POP 5

Lajmet më të lexuara të 5 minutave të fundit

Arbitrimi i njëanshëm, boksieri Beqiri lë ndeshjen në gjysmë! Zv/trajneri për 'Report TV': Padrejtësi! U penalizuam ekstremisht

Me medaljen e bronxit në Botëror, Alban Beqiri e kishte të sigurt medaljen në Lojërat Mesdhetare në Algjeri. Por në mënyrë demonstrative boksieri shqiptar është tërhequr nga ringu duke lwnw ndeshjen çerekfinale me pretendimin se arbitri po tregohej i padrejtë dhe po favorizonte kundërshtarin alegjerian. Për Report TV zv/trajneri i kombëtares Renato Kurti thotë se sportistit i është ngrënë haku dhe se vetë arbitrat e ndeshje i kanë kërkuar falje për këtë.

Shpresat e mëdha të Shqipërisë për fituar medalje në boks në Lojërat Mesdhetare janë venitur. Në çerekfinalen e kategorisë 69 kilogramë medalisti botëror Alban Beqiri është tërhequr, duke i shkuar fitorja algjerianit Ait-Bekka.

Trajneri i kombëtares Zef Gjoni dhe zëvendës trajneri Renato Kurti vendosën të mos e zhvillonin raundin e tretë për shkak se pretenduan për njëanshmëri të arbitrave, të cilët sipas tyre favorizuan boksierin vendas të Algjerisë ku edhe po mbahen Lojërat Mesdhetare.

Për Report TV, në lidhje me arbitrimin, zv/trajneri Rento Kurti u shpreh: “Fatkeqësisht albitrimi për ne ishte në përmasa ekstreme. Jo vetëm Albani, por humbëm të paktën 2 medalje për shkak të padrejtësive. Sot kryegjyqtari i aktivitetit na thirri në mbledhje dhe haptazi na kërkoi falje për padrejtësitë e bëra!”

Jo vetëm Shqipëria, por edhe shtete të tjera në Lojërat Mesdhetare janë ankuar për arbitrimin si pasojë e mungesës së arbitrave europian. Madje Turqia ka kërcënuar me largim nga aktiviteti.

Përsa i përket sportistëve të tjerë që përfaqësojnë Shqipërinë as Metvei Petrov në kalin me doreza nuk është futur dot në zonën e medaljeve, pasi e mbylli garimin në vendin e 6. Gjithashtu nga Lojërat Mesdhetare në Oran është eliminuar edhe tenistrja Grejsi Bajri.

Ne.k./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ari: 01/07/2022 14:27

    ehh lojra koti.mjafton pjesmarja po he

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46