Ardi Veliu jep dorëheqjen, PD: Në krye të Policisë së Shtetit sot ka një bandit më pak

Ardi Veliu jep dorëheqjen, PD: Në krye të Policisë së Shtetit sot ka një bandit më pak

Partia Demokratike ka reaguar për dorëheqjen e Ardi Veliut si Drejtori i Përgjithshëm i Policisë së Shtetit, duke e cilësuar si një lajm të mirë pasi në krye të policisë sipas saj ka një bandit më pak.

Sekretari i Përgjithshëm i PD, Gazment Bardhi tha se nën drejtimin e policisë nga Veliu, Shqipëria u përkeqësua në luftën ndaj drogës dhe pastrimit të parave.   

"Në krye të Policisë së Shtetit sot ka një bandit më pak. Ardi Veliu ka qenë çdo ditë në shërbim të grupeve kriminale dhe rrjeteve të caktuara të trafikut ndërkombëtar të drogës. Largimi i tij është i detyruar, pavarësisht rezistencës së gjatë të Edi Ramës.

Nën drejtimin e policisë nga Ardi Veliu:

- Shqipëria u rendit ndër vendet kryesore për trafikimin e drogave nga kokaina tek kanabisi.

-Departamenti i Shtetit e futi Shqipërinë ne listën e vendeve kryesore për pastrimin e parave të pista.

- Të drejtat dhe liritë e qytetarëve u përkeqësuan, duke kulmuar me vrasje në rrugë të të rinjve dhe me rrahje të minorenëve.

- Dhuna e ushtruar ndaj opozitës ishte e paprecedentë.

- Policia u përdor në zgjedhje, krah përkrah banditëve, për të blerë vota  për partinë në pushtet.

Ardi Veliu nuk është as i pari, as i fundit drejtor policie që gjatë këtyre 8 viteve largohet me turp, duke i shkaktuar dëme të mëdha vendit dhe qytetarëve. Kjo histori do të përsëritet për sa kohë shefi i ardivelinjve, Edi Rama, të jetë partneri kryesor i krimit të organizuar. Pa largimin e Edi Ramës, nuk ka për të patur kurrë luftë serioze ndaj krimit, policët e ndershëm do të vazhdojnë të ndihen të tradhëtuar dhe të demotivuar, si dhe ngjarjet e rënda kriminale do të vijojnë të trondisin qytetet tona", shkruan PD.


Lajmi kryesor:

Rama 100 ditë afat për riorganizimin e policisë, Ardi Veliu 'dorëzohet' 10 ditë para, jep dorëheqjen: Do rri me familjen! Kryeministri: Mirënjohje! Kush janë dy emrat në garë për ta zëvendësuar


  • Sondazhi i ditës:

    Hetime për korrupsion dhe pastrim parash për Gërdecin, do bëhet drejtësi?



×

Lajmi i fundit

Kiara i flet Keisit për Luizin: Eshtë shumë i dashur, ka nxjerrë një  version të mirë timin

Kiara i flet Keisit për Luizin: Eshtë shumë i dashur, ka nxjerrë një version të mirë timin