POP 5

Lajmet më të lexuara të 5 minutave të fundit

Kultura

Ardit Bido: Shqipëria i pari vend në Ballkanin Perëndimor, pjesë e ‘Portalit të Arkivave Evropiane’

Arkivi i Shtetit Shqiptar anëtarësohet në “Portalin e Arkivave Evropiane”. Drejtori i Arkivit, Ardit Bido, e cilëson këtë anëtarësim një mundësi të mirë për shkëmbimet e materialeve arkivore me Europën. Shqipëria është i pari vend i Ballkanit Perëndimor, që bëhet pjesë e këtij arkivi

Nuk ka kaluar një javë nga prezantimi i modulit të arkivave online, edhe drejtoria e Përgjithshme e Arkivave plotëson kriteret për të qenë pjesë e organizmit më vital të Bashkimit Evropian në fushën e arkivave, “Portalit të Arkivave Evropiane”. Drejtori Ardit Bido e sheh këtë zhvillim teknologjik, si një mundësi të mirë për shkëmbimet e materialeve arkivore shqiptare me ato europiane.

 DPA është bërë pjesëtare me të drejta të plota e Fondacionit të Portalit të Arkivave Evropiane, një nismë e financuar nga Bashkimi Evropian ku janë të përfshira të gjithë arkivat e vendeve të Bashkimit Evropian dhe CEFTA-s.

Ardit Bido, drejtor i DPA-së

Arkivat e vendit tonë, janë të parat në Ballkan, që bëhen pjesë me të drejta të plota në këtë portal

Vendimi i marrë më 9 nëntor për pranimin e Shqipërisë me të drejta të plota, e bën arkivin shqiptar të parin vend të Ballkanit Perëndimor pjesë e Portalit të Arkivave Evropiane. Ky pranim është për ne si shqiptarë një tregues i njohjes së përpjekjeve të vazhdueshme të viteve të fundit për modernizimin e arkivave dhe rritjen e përdorjes së teknologjisë si forma e së ardhmes në shërbimin arkivor. Po ashtu, përbën një mundësi të veçantë të shkëmbimit mbarë evropian të materialeve arkivore në shërbim të historisë kombëtare dhe historisë evropiane.

Ardit Bido, drejtor i DPA-së

Ndërsa, pritet që brenda pak ditëve të përfundojë digjitalizimi i arkivit online, ky anëtarësim përveçse bashkëpunimeve me arkivat e zhvilluara të Europës, i krijon Shqipërisë edhe mundësinë e aplikimit për fondet të posaçme.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turp: 12/11/2018 21:19

    Qeveri e degraduar, personi ne fjale qe udheheq nje institucion me nje kapacitet qe as per pjatalares nuk permban! Turp

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi për Durrësin/ PS thellon diferencën ndaj PD-së me 9 mandate deputetësh, kundër 5 të demokratëve

Sondazhi për Durrësin/ PS thellon diferencën ndaj PD-së me 9 mandate deputetësh, kundër 5 të demokratëve

25 Dhjetor, 22:30