Argjentina u kualifikua për në grupet e boterorit falë tripletës së yllit të saj, Lionel Messi.

Ekuadori kaloi në epërsi që në minutën e parë falë golit të Ibarra por “Pleshti” bëri gjithçka mirë në kombinimin me Di Marian, duke barazuar shifrat në minutën e 11’, vetëm 7 minuta më vonë, në të 18’ , Messi i dha avantazhin Argjentinës, ndërsa në minutën e 62’, Messi do shënojë falë një parable në kufijtë e zonës, duke heshtur stadiumin e tejmbushur të Ekuadorit, dhe 1-3 vuloset gjithçka.

Me këtë fitore Argjentina renditet e treta në grupin e Amerikës Latine, në kuotën e 28 pikëve, duke i siguruar Messit me shokë pjesmarrjen në botëror.

Kili është skuadra që u zhgënjye në ndeshjen me Brazilin, të cilën e humbën 3-0 dhe mbeten jashtë botërorit yje si Sanchez, Vidal e Vargas. Për Brazilin shënuan Paulinho dhe Gabriel Jesus një dygolësh, kështu Brazili shkon në botëror si e para e grupit me 41 pikë të grumbulluara.

Kualifikim arriti edhe Uruguai, pasi mposhti 4-2 Bolivinë falë golave të Caceres, Cavani dhe dopjetës së Suarez, Uruguai u rendit e dyta në grup me 31 pikë.

Vendi i katërt dhe i pestë u nda mes Kolumbisë dhe Perusë që barazuan 1-1 midis tyre, përkatësisht Kolumbia e katërta dhe Peru shkon në play-off.

Venezuela e vendit të fundit i hoqi mundësinë Paraguajit për të shkuar në play-off pasi i mundën 0-1 në fushën e Paraguajit.

Në këtë mënyrë përcaktohen përfaqësueset e Amerikës Latine që shkojnë në botëror, në pritje dhe të fazës play-off ku merr pjesë Peru.

Redaksia Online
a.dr/shqiptarja.com

/Shqiptarja.com
  • Sondazhi i ditës: 16 Dhjetor, 19:08

    SPAK kërkon arrestimin e Ballukut, a duhet të japë autorizim Kuvendi?

Lajme të tjera