Ai njihet për tekstet e tij erotike, por këtë herë na shfaqet në një tjetër dimension. Ky është Arjol Lluka, i cili në këtë rrëfim na tregon anën tjetër të panjohur të tij, pasionin për stilimin dhe ideimin e veshjeve.

Edhe pse prej pak kohësh po ndjek kursin në Drejtorinë Rajonale Profesionale nr.4 në Tiranë për rrobaqepësi, Arjoli na tregon se lidhjen me skicat e ka pasur të kahershme, madje në kohën kur studionte në Akademinë e Arteve për Muzikologji ka qenë shtysa kryesore për të bërë këtë përzgjedhje.