Arkivi i Shtetit përkujton 65 vjet histori

TIRANE - 65 vite më parë, kur vendi ynë sapo kishte dalë nga Lufta e Dytë Botërore, krijimi i një institucioni arkivor ishte bërë një domosdoshmëri. Pjesa më e madhe e institucioneve ishin plotësisht të shkatërruara, edhe pse fondet dokumentare ishin të pafundme. Interesimi për ruajtjet arkivore e ka zanafillën në Qeverinë Vlorës, ku prill të vitit 1913, Prefektura e Vlorës i drejtonte Ministrisë së Punëve të Brendshme, një letër për domosdoshmërinë e emërimit të një nëpunësi për punë financiare e sekretarie” (I. Loli- Historia e Arkivave në Shqipëri).

Megjithatë si institucion normal Arkivi Qendror i Shtetit mbart vetëm 65 vjet histori. Ky jubile është përkujtuar dje nga drejtuesit e këtij institucioni. Në fjalën e hapjes, Drejtori i Përgjithshëm i Arkivit të Shtetit  Gjet Ndoj ka rrëfyer për pjesëmarrësit e shumtë se çfarë shkruhej në kërkesën zanafillore për krijimin e arkivës: Po aty, thuhej “Duhet të ketë dhe një Kryesekretari ku si detyrë kryesore e kësaj zyre do të ishte …qeverimi i punëve që i përkasin letërkëmbimeve të Prefekturës, rregullimi i regjistrave si dhe ruajtja e tyre. Për të kryer këto detyra duhet të ketë një Drejtor të shkresave”. Me rastin e 65-vjetorit të themelimit AQSH, Gjet Ndoj,