Armando Lulaj përfaqëson
Shqipërinë në Ekspozitën e Venecias

TIRANE- Vepra e artit që do të përfaqësojë Shqipërinë në Edicionin e 56-të të Ekspozitës Ndërkombëtare të Artit në Venecia mban emrin e artistit Armando Lulaj. Ministria e Kulturës pas prurjeve të aplikuesve dhe pas punës selektuese të jurisë, dje ka shpallur fitues projektin e artistit Armando Lulaj “Trilogjia Shqiptare: Një Seri Stratagjemash të Tërthortë” (“Albanian Trilogy: A Series of Devious Strategems”), prezantuar nga Marco Scotini (kurator) dhe Armando Lulaj (artist). Ekspozita Ndërkombëtare e Artit në Venecia do të mbahet nga data 9 Maj 2015 deri më 22 Nëntor. Pas shpalljes së projektit fitues, Ministria e Kulturës njofton pjesëmarrjen e Shqipërisë në edicionin e 56-të të Ekspozitës Ndërkombëtare të Artit në Venecia 2015.