POP 5

Lajmet më të lexuara të 5 minutave të fundit

Kronikë

Armët kimike të Shqipërisë nisen
drejt Francës për t'u shpërbërë

Shqipëria i thotë lamtumirë rrezikut të mbetjet kimike nga armatimeve ushtarake, tre vite pas protestave kundër sjelljes në vendin tonë armëve kimike. Sot janë dërguar drejt Francës për tu shpërbërë 167 ton kimikate të rrezikshme. VIDEO 
Tre vjet pas protestave, armët kimike rikthehen sërish në vëmendje të opinionit publik. Këtë herë jo për të sjellë armët kimike në Shiqpëri, por mbetjet dhe armët kimike të Shqipërisë do të shkojnë në Francë për t'u shpërbërë.

Bëhet fjalë për 167 ton kimikate të rrezikshme duke përfshirë komponentin melanzh dhe dikloroetan të karburantit të raketave të vjetra.

Kjo është sasia e fundit e kimikateve të rrezikshme, e cila do të agjësohet në impiante të specializuara në Francë.

Ceremonia e përfundimit të këtij projekti është zhvilluar në portin e Durrësit ku kanë marrë pjesë krerë të lartë të ministrisë së Mbrojtjes si dhe prezencës së OSBE-së në vendin tonë.

Ministrja e Mbrojtjes Mimi Kodheli është shprehur se rreziku i këtyre kimikateve ishte i madh pasi ato gjendeshin pranë zonave të banuara. 

‘’Rreziku i këtyre kimikateve ishtë sfidë për mjedisin dhe jetën e banorëve tanë, pasi ato ishin të depozituara në zona të banuara ose në afërsi të tyre dhe për shkak të kushteve të ruajtjes ambalahimi i tyre ishte i amortizuar apo i dëmtuar'', u shpreh Kodheli.

Ambasadori i prezencës së OSBE-së në vendin tonë Bernd Borchardt në përshendetjen e tij theksoi se partneriteti ynë ka përmirësuar jetën e komuniteteve që jetojnë pranë magazinave të dikurshme dhe ka ulur ndjeshëm rrezikun potencial ndaj mjedisit në të ardhmen.

Projekti për asgjësimin e plotë të mbetjeve kimike të armatimeve të vjetra është mbështetur nga Austria, Republika Çeke, Gjermania, Norvegjia dhe Turqia.

Puna për agjesimin e mbetjeve kimike të armatimeve të vjetra shqiptare nisi në vitin 2008 dhe që nga ajo kohë janë asgjesuar në total 300 ton mbetje të rrezikshme.

Redaksia Online
XH.K/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03