Arratisja e Ndocit/ 8 në pranga, nga zv.shefi i Policisë së Burgut Durrës te 5 efektivët që e shoqëruan e kryeinfermieri, shkarkohet zinxhiri drejtues! Burgjet: S’na informuan për vizitën as ne dhe as Policinë

Prokuroria e Durrësit ka marrë sot në pyetje mjekun Naim Mediu, kirurgu i përgjithshëm, i cili ka bërë kontrollin mjekësor Altin Ndoci, i cili arriti të arratisej nga reparti i Infektivit në Spitalin e Durrësit.

Mjeku Naim Mediu është paraqitur ditën e sotme fillimisht në punë e më pas ka shkuar në prokurori ku dhe ka dhënë deklarime lidhur me ngjarjen.

Është shkarkuar i gjithë zinxhiri komandues i Burgut të Durrësit, pas arratisjes gjatë ditës së djeshme të Altin Ndocit, i dyshuar si pjesë e një organizate të rëndësishme kriminale.

Burime për Report TV bëjnë me dije se ky vendim erdhi pas një analize nga Drejtoria e Përgjithshme e Burgjeve, me urdhër të Drejtorit të Përgjithshëm të këtij institucioni.

Më herët sot, Ministri i Drejtësisë, Besfort Lamallari, ka firmosur shkarkimin e drejtorit të IEVP Durrës, Indrit Cërloj, po për të njëjtën ngjarje. Gjithashtu 8 persona ranë në pranga, si persona përgjegjës për arratisjen e Ndocit.

Emrat e të gjithë të shkarkuarve dhe arrestuarve:

* z. Indrit Cerloj – Drejtor i IEVP Durrës;

* z. Afrim Zeqiraj – Shef i Policisë;

* z. Dezdemon Pazaj – Shef i Policisë IEVP Durrës (i komanduar);

* znj. Ylfete Sema – Shefe e Shërbimit të Kujdesit Shëndetësor;

* z. Aulon Quku – Kryeinfermier;

* z. Dorjan Saraçi – Punonjës i Policisë së Burgjeve;

* z. Sali Ferrollari – Punonjës i Policisë së Burgjeve;

* z. Preng Marvataj – Punonjës i Policisë së Burgjeve;

* z. Fatjon Braçi – Punonjës i Policisë së Burgjeve;

* z. Idajet Calamaj – Punonjës i Policisë së Burgjeve;

* z. Aranit Çela – Punonjës i Policisë së Burgjeve;

* znj. Violeta Uka – Punonjëse e Policisë së Burgjeve.

Arratisja e Altinit Ndocit ka vënë në lëvizje strukturat e Policisë së Shtetit.

Gjatë mbrëmjes së kaluar dhe përgjatë ditës së sotme, forca të shumta policie kanë ushtruar kontrolle edhe në vendlindjen e tij, në fshatin Krajen të Lezhës.

Sipas burimeve, janë kontrolluar disa banesa të vjetra në lagjen Marlalaj, ku familjarët e tij kanë jetuar më parë. Mësohet se ata janë larguar nga kjo zonë prej rreth 30 vitesh dhe kanë pasur banim të mëvonshëm në Tiranë.

Kontrollet janë kryer në kuadër të operacionit për lokalizimin dhe kapjen e të arratisurit, ndërsa policia vijon hetimet dhe veprimet operative në disa zona të vendit.

Ministri i Drejtësisë, Besfort Lamallari, ka firmosur sot shkarkimin e drejtorit të Burgut Durrës, Indrit Cërloj. Vendimi vjen një ditë pas arratisjes së të paraburgosurit Altin Ndoci teksa ky i fundit ishte dërguar për kontroll mjekësor në spitalin e qytetit. 

Veç shkarkimit të drejtorit, Lamallari ka kërkuar nga drejtori i Përgjithshëm i Burgjeve, një plan të ri të vlerësimit të sigurisë dhe rishpërndarjes mbi bazën e rrezikshmërisë së të dënuarve dhe paraburgosurve në Burgun e Durrës, duke konsideruar edhe transferimin në burgje të tjera të sigurisë së lartë. 

Menjëherë pas ngjarjes së djeshme, Ministri i Drejtësisë i ka kërkuar drejtorit të Përgjithshëm të Burgjeve dhe drejtorit të Shërbimit të Kontrollit të Brendshëm të Sistemit të Burgjeve angazhim maksimal me Prokurorinë për zbardhjen e ngjarjes dhe vënien e përgjegjësve para ligjit. 

Po kështu ditën e djeshme u krye menjëherë pezullimin e nga detyra të të gjithë zinxhirit komandues të Burgut Durrës. Nga verifikimet paraprake rezulton se Burgut Durrës për shoqërimin e planifikuar nuk ka raportuar në Drejtorinë e Përgjithshme të Burgjeve as planifikimin dhe as realizimin e vizitës mjekësore, në kundërshtim me aktet nënligjore në fuqi. Gjithashtu, rezulton se nuk janë respektuar procedurat standarde për shoqërimin e të paraburgosurve dhe të dënuarve.

Ndërkohë gjatë ditës së sotme në pranga u vunë 8 persona: 

* Komisar Dezdemon Pazaj – Punonjës i Policisë së Burgjeve;
* Komisar Violeta Uka – Punonjëse e Policisë së Burgjeve;
* Kryeinspektor Dorjan Saraçi – Punonjës i Policisë së Burgjeve;
* Inspektor Sali Ferrollari – Punonjës i Policisë së Burgjeve;
* Inspektor Fatjon Braçi – Punonjës i Policisë së Burgjeve;
* Inspektor Preng Marvataj – Punonjës i Policisë së Burgjeve;

Altin Ndoci

Policia e Burgjeve ka reaguar për arratisjen e Altin Ndocit. 

Deklarata e plotë

Në lidhje me ngjarjen e ndodhur në Spitalin Rajonal Durrës, më datë 13.01.2026, ku është arratisur i paraburgosuri Altin Ndoci, sqarojmë sa vijon:

Shtetasi Altin Ndoci ka qenë i akomoduar në IEVP Durrës që prej datës 20.05.2020, me masë sigurimi “arrest me burg”. Me vendimet Nr. 82, datë 21.07.2020; Nr. 42, datë 17.05.2022; dhe Nr. 86, datë 29.07.2024 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj tij është caktuar masa e sigurimit “arrest me burg” për veprat penale: vrasje në rrethana cilësuese kundër dy ose më shumë personave, armëmbajtje pa leje, organizatë kriminale, kryerja e veprave penale nga organizata kriminale dhe grup i strukturuar kriminal, të parashikuara nga nenet 79/dh, 278/1, 28/1, 28/4, 333 dhe 334 të Kodit Penal.

Më datë 13.01.2026, i paraburgosuri ka kryer konsultë mjekësore me mjekun e institucionit të vuajtjes së dënimit, i cili ka rekomanduar konsultë me mjek kirurg. Në vijim, nga strukturat përkatëse të IEVP Durrës (shërbimi shëndetësor, policia e burgjeve, sektori social dhe ai ligjor) janë hartuar aktet përkatëse dhe është planifikuar shoqërimi për vizitë mjekësore në Spitalin Rajonal Durrës, sipas itinerarit: IEVP Durrës – Spital Rajonal Durrës – kthim në IEVP, brenda së njëjtës ditë.

I paraburgosuri është paraqitur në pavionin infektiv për marrjen e trajtimit mjekësor. Pas vizitës mjekësore nga mjeku kardiolog në Spitalin Rajonal Durrës, është rekomanduar mjekim dhe rikontroll pas 2 (dy) orësh. Gjatë kohës që ka qenë duke marrë trajtim mjekësor, shtetasi Altin Ndoci ka kërkuar të shkojë në tualet. Ai është shoqëruar nga punonjësit e Policisë së Burgjeve, por gjatë këtij momenti ka kundërshtuar dhe goditur punonjësit, duke arritur të arratiset.

Nga verifikimet paraprake rezulton se, për shoqërimin e planifikuar, IEVP Durrës nuk ka informuar Drejtorinë e Përgjithshme të Burgjeve dhe Komisariatin e Policisë Durrës, si dhe nuk ka raportuar në Drejtorinë e Përgjithshme të Burgjeve as planifikimin dhe as realizimin e vizitës mjekësore, në kundërshtim me aktet nënligjore në fuqi. Gjithashtu, rezulton se nuk janë respektuar procedurat standarde për shoqërimin e të paraburgosurve dhe të dënuarve.

Nisur nga të dhënat paraprake, me urdhër të Drejtorit të Përgjithshëm të Burgjeve, është pezulluar i gjithë zinxhiri komandues i IEVP Durrës, me qëllim garantimin e një procesi të rregullt ligjor dhe administrativ, konkretisht:

• z. Indrit Cerloj – Drejtor i IEVP Durrës;

• z. Afrim Zeqiraj – Shef i Policisë;

• z. Dezdemon Pazaj – Shef i Policisë IEVP Durrës (i komanduar);

• znj. Ylfete Sema – Shefe e Shërbimit të Kujdesit Shëndetësor;

• z. Aulon Quku – Kryeinfermier;

• z. Dorjan Saraçi – Punonjës i Policisë së Burgjeve;

• z. Sali Ferrollari – Punonjës i Policisë së Burgjeve;

• z. Preng Marvataj – Punonjës i Policisë së Burgjeve;

• z. Fatjon Braçi – Punonjës i Policisë së Burgjeve;

• z. Idajet Calamaj – Punonjës i Policisë së Burgjeve;

• z. Aranit Çela – Punonjës i Policisë së Burgjeve;

• znj. Violeta Uka – Punonjëse e Policisë së Burgjeve.

Referuar ngjarjes dhe veprimeve të ndërmarra Drejtoria e Përgjithshme e Burgjeve në bashkëpunim me Shërbimit të Kontrollit të Brendshëm në Sistemin e Burgjeve, nën drejtimin Prokurorisë pranë Gjykatës së Shkallës së Parë të Juridiksionit të Përgjithshëm Durrës, është vendosur ndalimi i shtetasve të mëposhtëm:

• Komisar Dezdemon Pazaj – Punonjës i Policisë së Burgjeve;

• Komisar Violeta Uka – Punonjëse e Policisë së Burgjeve;

• Kryeinspektor Dorjan Saraçi – Punonjës i Policisë së Burgjeve;

• Inspektor Sali Ferrollari – Punonjës i Policisë së Burgjeve;

• Inspektor Fatjon Braçi – Punonjës i Policisë së Burgjeve;

• Inspektor Preng Marvataj – Punonjës i Policisë së Burgjeve;

• Kryeinspektor Aranit Çela – Punonjës i Policisë së Burgjeve;

• Kryeinfermier Aulon Quku – Punonjës i IEVP Durrës.

Drejtoria e Përgjithshme e Burgjeve vijon me marrjen e të gjitha masave të nevojshme ligjore dhe administrative, si dhe me forcimin e protokolleve të sigurisë në institucionet e ekzekutimit të vendimeve penale.

Foto nga momenti i arratisjes së Altin Ndocit nga spitali i Durrësit

Gazetari i Report Tv Sokol Dema raporton se kontrolle në kërkim të Ndocit janë kryer në disa zona të ndryshme të Tiranë, në Astir, Don Bosko, Selitë, etj. Gjithashtu është kontrolluar edhe banesa e tij në Yzberisht, por familjarët kanë deklaruar se nuk kanë dijeni për vendndodhjen. Si rrugë lidhëse me Durrësin, kontrolle u kryen edhe në rrugën e Ndroqit.

Pasi ka dalë nga Spitali i Durrësit, Ndoci është larguar me një automjet tip “Audi A7”, duke kaluar fillimisht në zonën e Spitallës, më pas është shfaqur në Shënavlash, ka vijuar në autostradë dhe dyshohet se ka hyrë në Tiranë.

Audi A7 me të cilin është arratisur dhe Altin Ndoci

Policia ka zbardhur itinerarin fillestar të arratisjes së 38-vjeçarit Altin Ndoci, bazuar në pamjet e kamerave të sigurisë. Pasi ka dalë nga Spitali i Durrësit, Ndoci është larguar me një automjet tip “Audi A7”, duke kaluar fillimisht në zonën e Spitallës, më pas është shfaqur në Shënavlash, ka vijuar në autostradë dhe dyshohet se ka hyrë në Tiranë. Arratisja ka ndodhur mesditën e së martës nga Spitali i Durrësit.

Burime për gazetarin e Report Tv Sokol Dema bëjnë me dije se Policia e Durrësit është njoftuar menjëherë sapo Ndoci është larguar, duke u vënë në lëvizje për gjurmimin e tij. Nga verifikimet rezulton se 38-vjeçari kishte marrë mjekimin e nevojshëm dhe, pas përfundimit të procedurave mjekësore, ka ndërmarrë aktin e arratisjes.

Ndërkohë, lidhur me shoqërimin e tij drejt spitalit, pas verifikimit të plotë rezulton se Policia e Durrësit nuk është njoftuar në asnjë formë nga Drejtoria e Burgjeve. Po gjatë ditës së djeshme, Burgu i Durrësit i ka kërkuar policisë shoqërimin e një tjetër të dënuari për një rast fatkeqësie, konkretisht për varrimin e një familjari, shoqërim që është kryer nga uniformat blu. Njoftimi i policisë për arratisjen është bërë menjëherë sapo është larguar me makinën "Audi A7".