Arrestimet për inceneratorin e Fierit, Alibeaj: Një pikë në oqeanin e korrupsionit ku janë të zhytur ministra dhe kryeministri

Kreu i grupit parlamentar të PD-së, Enkelejd Alibeaj i konsideroi si të pamjaftueshme dhe sipërfaqësore arrestimet e sotme të SPAK mbi inceneratorin e Fierit.

Alibeaj shkruan se pa u ndëshkuar përgjegjësit e vërtetë, besimi i qytetarëve tek drejtësia do të vijonte të mbetej i ulët.

Reagimi i Plotë i Alibeajt:

Hetimet dhe vendimet e derimëtanishme të Spak janë të pamjaftueshme dhe sipërfaqësore. PD ka denoncuar me fakte konkrete aktet korruptive të inceneratorëve, ministrat dhe kryetarët e bashkive të përfshirë në këtë aferë.

Sikundër është e qartë për të gjithë, përfshirë dhe insititucionet e heshtura të drejtësisë se arrestimet e sotme janë vetëm një pikë në oqeanin e korrupsionit të inceneratorëve ku janë të zhytur ministra dhe kryeministri.

Pa u ndëshkuar përgjegjësit e vërtetë, besimi i qytetarëve tek drejtësia do mbetet i ulët. Vetëm çuarja deri në fund e me seriozitet i hetimeve për këtë aferë do rrisë besimin se Spak do të mund të mbrojë interesin e qytetarëve përballë zyrtarëve të lartë dhe të korruptuar!

Lajmi kryesor:

Arrestimet e SPAK për inceneratorin e Fierit, Berisha: Rama mbyll historinë e djegësve duke vënë në pranga cironkat! Kryemadhi: Prokuroria të godasë në shenjë

B.V/Shqiptarja.com

TAG:
• spak
• inceneratori i fierit
• Alibeaj