Me shqetësim e ka pritur Athina zyrtare arrestimin e Fredi Belerit, kandidat për Bashkinë e Himarës, me shtetësi shqiptare e greke, për shit-blerje të votave 2 ditë para zgjedhjeve vendore. Kryeministri i Greqisë Kyriakos Mitsotakis në një takim elektoral, tha se Beleri duhet të lejohet të marrë pjesë në zgjedhje. Ky ka qenë reagimi i parë i Kryeministrit të Greqisë Kyriakos Mitsotakis, i cili ka bërë thirrje për lirimin e Belerit. 

“Më lejoni këtu të hap një parantezë dhe të them diçka për një ngjarje jashtëzakonisht të pakëndshme që ndodhi në Shqipërinë fqinje, mëngjesin e sotëm, ku fatkeqësisht u arrestua kandidati për kryetar të Bashkisë Himarrë dhe anëtari i Minoritetit Kombëtar grek, Fredi Beleri.  Dua, këtu nga Lesbos, t'i dërgoj një mesazh vendi mik, Shqipërisë. Zbritje për sundimin e ligjit dhe mbrojtjen e të drejtave të pakicës kombëtare greke, Greqia nuk do të pranojë”, shtoi z. Mitsotakis.

Kyriakos Mitsotakis tha se nëse Shqipëria dëshiron të afrohet me Bashkimin Evropian, ka detyrimin të sigurojë zgjedhje të lira dhe të ndershme bashkiake dhe të lirojë menjëherë ata që ka burgosur, në mënyrë që ata të marrin pjesë në procesin zgjedhor.

 “Nëse Shqipëria dëshiron të afrohet me Bashkimin Evropian, ka detyrimin të sigurojë zgjedhje të lira dhe të ndershme bashkiake dhe të lirojë menjëherë ata që ka burgosur, në mënyrë që ata të marrin pjesë në procesin zgjedhor. Ka një mënyrë për të qenë të sigurt se rruga e progresit që kemi harruar me dhimbje të mëdha dhe me përpjekje të mëdha dhe duke kaluar nëpër dyzet dallgë do të vazhdojë. Ka vetëm një rrugë: që Demokracia e Re të jetë e fuqishme në kutinë e votimit më 21 maj, nëntë ditë nga tani. Që edhe ne të dërgojmë një mesazh fuqie për të gjithë fqinjët tanë, se jemi një vend i fortë, ne jemi një vend me besim”, theksoi z. Mitsotakis.

Greqia thotë se nëse arrestimi i kandidatit për kryebashkiak të Himarës, Fredi Beleri është bërë pa prova kjo do të sillte një skandal të vërtetë.

“Arrestimi i një kandidati për kryetar bashkie dy ditë para zgjedhjeve, nëse nuk ka prova të pakundërshtueshme, përbën skandal ”, nënvizoi zoti Dendias, pas mbërritjes së tij në takimin informal të ministrave të jashtëm të Bashkimit Europian, që po zhvillohet sot.

Siç theksoi ai, në fakt këtë e ka pranuar edhe kryeministri i Shqipërisë, Edi Rama .

“Për këtë kam njoftuar tashmë përfaqësuesin e lartë Josep Borrell dhe ministrin e Jashtëm suedez si ushtrues detyre. Qeveria greke do ta monitorojë nga afër. Nëse nuk ka prova të forta, arrestimi i një kandidati për kryetar bashkie dy ditë para zgjedhjeve është një skandal absolut”, përsëriti ai.

Lidhur me arrestimin e Belerit, ministri i Jashtëm i Greqisë, Nikos Dendias telefonoi kryeministrin Edi Rama. Për këtë telefonatë, mediat greke, që arrestimit të Belerit i kushtuan një jehonë të madhe, nuk dhanë shumë detaje.

Ministrja e Jashtme, Olta Xhaçka reagoi ashpër duke i kërkuar Greqisë të mos bëjë presion dhe të lejojë drejtësinë shqiptare të flasë.

“Blerja e votës është një shkelje e rëndë në legjislacionin tonë. Kjo vlen për të gjithë qytetarët e Shqipërisë, përfshirë vëllezërit dhe motrat e minoritetit grek që marrin pjesë në zgjedhjet tona. U kërkojmë miqve tanë grekë në Athinë që të monitorojnë nga afër e me durim zhvillimin e çështjes, duke lejuar drejtësinë shqiptare të kryejë punën e saj, pa presione të jashtme apo mesazhe përçarëse", tha Xhaçka.

Kjo ngjarje çoi në policinë e Vlorës edhe ambasadoren greke në vendin tonë, Konstantina Kamitsi e cila kërkoi takim me kryepolicin e qytetit bregdetar, Ermal Muça për tu informuar mbi gjendjen e të arrestuarit, Fredi Belerit.

Më parë, me porosi të Athinës zyrtare, ambasadorja greke herët në mëngjes e shprehu zyrtarisht në Ministrinë e Punëve të Jashtme, shqetësimin për arrestimin e Belerit.

Rendit zhvillimet sipas orarit:
Ora 14:43
VIDEO/ Arrestimi i Belerit, ambasadorja greke në Shqipëri takim me policinë e Vlorës! Ka kërkuar informacion për anëtarin e minoritetit grek

 

Konstantina Kamitsi, Ambasadorja greke në Shqipëri ka shkuar sot në policinë e Vlorës ku u arrestua kandidati i opozitës për Himarën, Fredi Beleri. Kamitsi u paraqit sot në drejtorinë e policisë mbi gjendjen e të ndaluarit pasi është qytetar grek.

G.MO/Shqiptarja.com

Ora 12:26
Arrestimi i Belerit, zv. ministri i Jashtëm grek: Pamjet të papranueshme, po e ndjekim me vëmendje

1683887228_64001683885319xvarviciotis720.jpg

“Imazhi i arrestimit të kandidatit për kryebashkiak të Himarës, Beleri, është i papranueshëm”, tha zëvendësministri i Jashtëm i Greqisë Miltiadis Varvitsiotis, duke folur sot në radion “SKAI 100.3”.

 “Ne kemi ndërmarrë të gjitha veprimet e nevojshme diplomatike dhe po ndjekim rastin. Ne jemi në anën e pakicës greke”, theksoi ai dhe kujtoi “rëndësinë e vizitës së kryeministrit Kyriakos Mitsotakis disa muaj më parë në Himarë si kryeministri i parë grek që viziton rajonin.

K.T./Shqiptarja.com

Ora 10:44
Arrestimi i Belerit, mediat greke vëmendje të veçantë: Dendias telefonoi Ramën, ministri i Brendshëm foli me homologun Çuçi

1683881159_Screenshot4.jpg

Mediat greke, të cilat po i kushtojnë një vëmendje shumë të madhe arrestimit të Fredi Belerit, thonë se Athina zyrtare ka pasur reagim deri në nivelet më të larta.

Sipas tyre ministri i Jashtëm grek, Nikos Dendias, ka kontaktuar me kryeministrin e Shqipërisë, Edi Rama.   Më herët, Nikos Dendias kishte njoftuar për këtë çështje kryeministrin grek, Kyriakos Mitsotakis.

Po sipas mediave greke bëhet me dije se ministri i Brendshëm i Greqisë ka folur në telefonin me homologun e tij shqiptar, Bledi Çuçi.

K.T./Shqiptarja.com

Ora 09:56
Arrestimi i Fredi Belerit, ambasadorja greke, pak minuta në takimin në Ministrinë e Jashtme

1683878467_kamitsi.jpg

Ambasadorja e Greqisë në Tiranë, Konstantina Kamitsi, pas porosisë së Athinës ka zhvilluar sot në mëngjes një takim në Ministrinë e Punëve të Jashtme të Shqipërisë. Ajo është pritur për pak minuta në një takim nga një zyrtar i Ministrisë tonë të Jashtme. Burime bëjnë me dije se ambasadorja ka shprehur shqetësimin për arrestimin e kandidatit për Bashkinë e Himarës, Fredi Beleri.

Burime bëjnë me dije se në rast të tillë ndiqet procedura normale që ka të bëjë me ankimet dhe Ministria e jashtme pritet që t’ia kalojë shqetësimin organeve që po merren me këtë çështje, pra organeve të drejtësisë.

K.T./Shqiptarja.com

Ora 08:36
Arrestimi i Fredi Belerit, Ministria e Jashtme e Greqisë urdhëron Ambasadoren të takojë ministren Xhaçka

1683867553_finalprojekt.00384917.Still036.jpg

Pas arrestimit të kandidatit të opozitës për Himarën, Fred Beleri ka reaguar ministria e jashtme greke. Ambasadorja greke është udhëzuar nga Dendias të takojë Xhaçkën.

“Pas lajmit për arrestimin nga autoritetet shqiptare të Dionisis-Fredi Beleris, kandidat për Kryetar Bashkie në Bashkinë Himarë në KEAD, ambasadorja e Greqisë në Tiranë, Konstantina Kamitsi, pas udhëzimeve të ministrit të Jashtëm, Nikos Dendias, po zhvillon një vizitë sot, më 12 maj në Ministrinë e Punëve të Jashtme të Shqipërisë.”- thuhet në reagim.

G.MO/Shqiptarja.com