Arrestimi i Beqajt, Braçe: Ende s’ka përgjegjës për vrasjet e 21 janarit dhe Gërdecit! Peshorja ka humbur ekuilibrin, duhet drejtësi gjithëpërfshirëse

Deputetët socialistë kanë komentuar në hyrje të Kuvendit arrestimin e ish-ministrit të Shëndetësisë, Ilir Beqaj për abuzimet me fondet e BE gjatë kohës që drejtonte SASPAC. Ligjvënësit socialistë ishin fjalëpakë dhe shumë prej tyre mbajtën të njëjtin qëndrim që vendimet e drejtësisë nuk komentohen.

Nasip Naço: Të falsë drejtësia, kur flet drejtësia heshtin të tjerët. Drejtësia deri në fund.

Ulsi Manja: Nuk pyeten politikanët për çështjet e drejtësisë.

LEXO EDHE:
Degjeneron debati në Kuvend/ Bardhi- Braçes: Gore, vratë njerëz para derës së SPAK! Deputeti socialist: Kurvë! Mbyll gojën

Elisa Spiropali: Ç’është ku ngut, ky zell, gjithë kjo kënaqësi që keni për të vënë mikrofonat për një çështje që do të sqarohet nga drejtësia jo nga ne.

Erion Braçe ishte ai që u ndal gjatë, duke thënë se reforma në drejtësi ka mbështetjen e socialistëve, pasi ajo u krijua pikërisht për të hetuar zyrtarët që abuzojnë me ligjin. Por nga ana tjetër, Braçe thekson se drejtësia duhet të jetë gjithëpërfshirëse, pasi ende nuk ka përgjegjës për viktimat e 21 janarit dhe Gërdecit.

Kam parë vetëm këto lajmet e para, do duhet të kemi informacion me tepër. Sa kohë që bëhet fjalë për vjedhje duhet me pa një informacion më të zgjeruar për të kuptuar se ca ka ndodhur realisht. Reforma në drejtësi për këtë u bë, për të mbajt përgjegjës zyrtarët që abuzojnë me ligjin, në bazë të fakteve dhe provave për të vërtetuar një kauzë të ngritur ndaj cilitdo individi. Ende s’ka asnjë përgjegjës për 21 janarin ku janë vrarë njerëz, nuk janë vjedhur lek, s’ka përgjegjës për Gërdecin ku janë vrarë njerëz, për gjëra akoma më të rënda që kanë shënuar historinë e këtij vendi, ky është problemi, apo për cilindo që abuzon me ligjin rruga është e hapur për t’u ndjekur penalisht. I rrezikon fondet? Patjetër në momentin që ka implikime me fondet e BE duhet parë seriozisht gjëja me qëllim që të përmbushim detyrimit që BE vë për paratë e veta. PS duhet të mbajë një përgjegjësi morale, po e mban përgjegjësinë. Në momentin që paraqitemi para një gare elektorale, secili duhet të marrë kosto. PS është e angazhuar në një proces të thellë reformimi akoma dhe më të madh brenda saj, qeverisjes dhe legjislacionit që të adresojë korrupsionin.

Peshorja ka humbur ekuilibrin sa kohë në këtë vend merren jetë njerëzish dhe nuk mbahet askush përgjegjës, përkundrazi pjesa më e madhe është në kuvend. Drejtësia duhet të gjithëpërfshirës dhe të mbajë përgjegjës duke nisur nga për ngjarjet më të rënda që ka shënjuar historinë e këtij vendi. Jetën e njeriut s’ka të drejtë ta marrë askush. Këtu nga pushteti është marrë jeta e njerëzve edhe për të vjedhur edhe për të mbajtur pushtetin dhe s’ka ndodhur asgjë.

Ish ministri i Shëndetësisë Ilir Beqaj u arrestua pasi akuzohet për përfshirje në një skemë korrupsioni për përfitime nga fondet e BE gjatë kohës që drejtonte SASPAC. 

Rendit zhvillimet sipas orarit:

Të Fundit Të Parat

SI.E./Shqiptarja.com

TAG:
• elisa spiropali
• SASPAC
• ilir beqaj
• Erion Braçe