Arrestimi i ish-kryebashkiakut të Durrësit, Vangush Dako i cili u la në burg nga GJKKO nën akuzën e shpërdorimit të detyrës në dy raste të ndryshme ka sjellë reagime të shumta në skenën politike duke bërë të komentohet edhe si një ‘shfaqje’ nga ana e SPAK.
Analisti Skënder Minxhozi i ftuar në studion e ‘Real Story’ me gazetarin Sokol Balla në Report TV e komentoi urdhrin për arrestimin e Dakos si një standart të dyfishtë që sipas tij po përdoret nga SPAK duke argumentuar se ka politikanë të tjerë të cilët duhet të hetohen për akuza shumë më të rënda si ajo e 21 janarit të vitit 2011. Ai tha mes të tjerash se SPAK po vepronte në këtë mënyrë duke u përfshirë nga entuziazmi që të pëmbushë pritshmëritë e qytetarëve.
“Entuziazmi i fshehtë ose jo i fshehtë i SPAK-ut vjen nga një faktor i tretë që nuk ka të bëjë me Dakon mendoj unë, që ka të bëjë me pandëshkueshmërinë. Dako merr shpresën që po shuhet te një opinioni publik, me SPAK kishte të tjera pritshmëri, e sot po kthehet në zhgënjim”- tha analisti.
Nga ana tjetër, gazetari Frrok Çupi tha se akuzat e SPAK-ut ndaj Dakos kanë rënë. Ai tha se duke parëse për çfarë akuzohet, ish kryebashkiaku mund të lërë qelinë brenda 3 ditëve. Ndërsa tha se SPAK ka eleminuar ‘institucionin e flagrancës’ duke mos arrestuar më persona të kapur në momentin e kryerjes së veprës penale.
“SPAK-u është emocionuar. Në raportin e fundit që lëshoi SPAK për Vangjush Dakon kishin rënë dy kolonat e akuzës. Nëse ne këtu dërgojmë padi në SPAK, nuk e shohin me sy ose të kthen përgjigjie Janë njerëzit më të padrejtë që mund të ketë në botë sa kam vërtetuar deri më sot. Po shkelin rëndë deantologjinë e drejtësisë. Kanë shuar institucionin e flagrancës. Nëse drejtësia kudo në botë qoftë e Athinës apo e Londrës, eleminon institucionin e flagrancës nuk është më drejtësi. Sot e kësaj dite nuk kemi asnjë të kapur në flagrancë. Me ato që kam lexuar, ti e kupton se për 3 ditë do jetë jashtë qelie. Nuk ka ku të rrijë me një gjë ku thuhet se ka firmosur me vonesë”-tha Çupi.
Nga ana tjetër, ish kandidati i PD për Tiranën, Roland Bejko tha se arrestimi i Dakos ishte një spektakël i orkestruar. Ndërsa e cilësoi reagimin e Ramës si tepër të relaksuar, Bejko tha se drejtësisë mund t’i kthehet në boomerang çështja e arrestimit të Dakos nëse nuk ka provat e mjaftueshme për ta mbajtur në burg.
“Këtë herë Rama ishte më i relaksuar, ndryshe kur amerikanët e shpallën non-grata. Jetojmë në kohën e spektaklit. Mendoj se në këtë kuadër është bërë e gjithë kjo reklamë. Nëse është kështu siç e thoni ju nuk ëhstë e re. Ndodh që e reklamojnë me bujë të madhe. Kështu ndodhte edhe me Drejtësisë mund ti kthehet në boomberang nëse nuk ka provat e mjaftueshme. Sepse nëse gjykata vendos ta lirojë atëherë spektakli shuhet”- tha Bejko.
GJKKO caktoi masën ‘arrest me burg’ për ish kryebashkiakun e Durrësit Vangjush Dako i cili akuzohet për shpërdorim detyre në dy raste të ndryshme gjatë kohës që ka mbajtur postin e kryetarit të bashkisë së dytë më të rëndësishme në vend. Ai është transportuar në burgun e Durrësit ku po mbahet në qelitë e paraburgimit.
Për analistin Skënder Minxhozi, arrestimi i Vangjush Dakos përveç të tjerave tregon standardin e dyfishtë të drejtësisë. Ai solli në vëmendje faktin se teksa Dako akuzohet për një leje ndërtimi të vitit 2011, po atë vit dy personave që pretendojnë të marrin drejtimin e PD iu vranë katër qytetarë në bulevard.
Në ‘Real Story’ Minxhozi u shpreh se nuk ishte nevoja që Vangjush Dako apo të tjerë të trajtoheshin me një lloj teatri me 40 kamera. Kjo pasi në fund rezultoi që ish-kryebashkiaku ishte dorëzuar vetë dhe nuk u arratis.
“Nëse e marrim si proces arrestimin e Dakos, ka nisur një lekundje e mitit te paprekshmërise. Jemi ende në fillime. Nuk paragjykoj të hetohet Dako, por rënia e mitit vjen edhe nga nje klimë ku sot ka më shume fjalë sesa vepra, por drejtohemi drejt njëstine ku do ketë disa procese te nxehta. Viti 2011 prodhoi jo vetëm lejen e ndërtimit të ‘fajshme’ të Dakos, por edhe dy karriera të dy personave kur në 21 janar vriteshin njerëz dhe sot po punojnë për reformimin e së djathtës. Trajtimi i Dakos, standard i dyfishtë. Jemi ne kushtet e një diskriminimi pozitiv që favorizon opozitën. Entuziazmi i fshehtë vjen nga nje faktor i tretë që ka të bëjë me fenomenin e pandëshkueshmërisë. Dako merr shpresën që po shuhet te një opinioni publik, me SPAK kishte të tjera pritshmëri, e sot po kthehet në zhgënjim. Dako si shumë të tjerë më lart se ai, duhet të ishte trajtuar në një forme tjetër dhe jo me këtë lloj teatri me 40 kamera. Dhe në fund doli që është dorëzuar vetë nuk ka ikur” – tha Skënder Minxhozi për Real Story në Report TV.
Lajme të tjera
-
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Skënder Minxhozi: Krizë trafiku dhe…TikToku, jo krizë politike
23 Dhjetor, 18:48
-
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
-
Tiranë/ Akuzohet nga SPAK për deklarim të rremë, shtyhet përsëri seanca paraprake në GJKKO për Asllan Dogjanin! Solli raport mjekësor
23 Dhjetor, 10:13
-
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57
