Arrestimi i dhunuesit të tij, Adriatik Doçi falënderon uniformat blu: Punë profesionale, mesazh që krimi nuk mund të godasë median e lirë

Gazetari Adriatik Doçi ka reaguar pas arrestimit të dhunuesit të tij dhe zbardhjes së ngjarjes nga ana e policisë. Adriatiku ka falënderoj policinë për punën shumë profesionale që ka bërë, duke e konsideruar zbardhjen e ngjarjes një lehtësim shumë të madh për të dhe familjen e tij.

“Së pari, dua të shpreh vlerësimin maksimal për Policinë e Shtetit, për punën profesionale, të guximshme, pa ndalim, madje deri pas mesnate, të komisariatit nr. 5, drejtuesit e të cilit zbuluan në kohë rekord autorin e sulmit fizik ndaj meje, bashkë me suportuesit e tij.  Ky është një lehtësim i madh për mua, familjen dhe miqtë e mi.  Vlerësoj gjithashtu interesimin e posaçëm të ministrin Blendi Çuçi për zbardhjen e ngjarjes.  Vlerësoj mbështetjen dhe solidaritetin maksimal të drejtuesve të Report Tv.

LEXO EDHE:
21 janari në SPAK/ Doçi për 'Repolitix': Berisha donte të blinte familjarët e Hekuran Dedës pas vrasjes, i çoi çantën me para! Mahmutaj: Gardisti Agim Llupo qëlloi drejt nesh

Ky është edhe një mesazh i shtetit për të gjithë kolegët e tjerë gazetarë, të cilët nesër mund të sulmohen nga segmente të krimit të organizuar. Ashtu siç edhe deklarova ditën e parë, sulmi  është paguar nga nyje të krimit të organizuar për shkak të detyrës, për të krijuar frikë dhe kufizuar raportimin.  Hetimet do të tregojnë më shumë. Nuk ka dhe nuk do të ketë asnjë hap pas për të ndarë me publikun të vërtetat me interes publik”, ka shkruar Adriatik Doçi.

Lajmi kryesor:

Goditi gazetarin investigativ të Report Tv, Adriatik Doçin, në pranga autori! Policia: E dhunoi për shkak të detyrës! VIDEO nga momenti i arrestimit

K.T./Shqiptarja.com

TAG:
• Redon Skutera
• adriatik doci
• Dhunohet gazetari Adriatik Doci