Arrestimi i drejtorit të IT-së në Policinë e Shtetit, Korreshi ironizon: Drejtorët i bëjnë gjitha, ministrat flejnë gjumë

Deputeti opozitar Saimir Korreshi foli në 'Studio Live' edhe për 2 komisionet hetimore të dakordësuara në Kuvend. Ndërkohë për 2 komisione të tjera që nuk u ngritën dhe që lidhen me oligarkë, Korreshi tha se do të kërkojë të ngrihen në shtator.

'Për mua gjithë oligarkët, që s’po lënë gjë pa marrë, deri dhe shkrepset. Kërkesat për dy të tjerat do të bëhen në shtator, momentalisht vetëm për këto u gjet dakordësia. Të merremi si janë bërë lekët e buxhetit të shtetit. Miliona lek dëm që shkojnë në të gjitha fushët e tjera. Përfitojnë 10 mln lekë gjithë bujqësia shqiptare dhe vetëm 2 koncesionet që hetojmë shkojnë 220 mln dollarë. Edhe pjesët e oligarkëve të tjerë duhet të hetohen. Do kërkoj që në shtator. Sot kemi këto të dyja.'

Sa i përket drejtorit të IT-së në policinë e shtetit, Korreshi shprehet se gjithmonë drejtorët e pësojnë.

'Sa do dalin. Këtu drejtorët i bëjnë të gjithë. Edhe te bashkia, edhe ministrat. Ministrat kanë fjetur gjumë. U bë kokë turku drejtori. Ka përgjegjësi. Por a ka përgjegjësi të tjera, a është luajtur skema e patronazhimit. Nuk ka bërë vaki që në Komisionet Hetimore nuk vjen mazhoranca.'

Lajmi kryesor:

Mandati i Xhaçkës, Saimir Korreshi në 'Studio Live': Partia Socialiste t'a dërgojë në Gjykatë Kushtetuese! Edhe unë do doja 10 mijë m2 plazh...

G.K/E.B/Shqiptarja.com

TAG:
• Saimir Korreshi
• Parlamenti
• olta xhaçka
• studio live