POP 5

Lajmet më të lexuara të 5 minutave të fundit

Kronikë

Arrestimi i polices së Rinasit, efektivja hyri me llogari tjetër në TIMS për t’i hequr ‘alertin’ makinës, dyshohet se mori ryshfet nga biznesmeni Leonard Karruka

Policja Sulltane Kuka që u arrestua të martën për heqjen e alertit të një makine biznesmeni, veprën e kreu kohë më parë kur ishte me punë në Lezhë. Hetuesit kanë dyshime se ajo ka ndërhyrë edhe herë tjera në sistem për heqje alerti, kundrejt pagesës dhe për miqësi.

Punonjësja e policisë Sulltane Kuka, 29 vjeçe, e cila u arrestua të martën (26 shtator) nga Agjencia e Mbikëqyrjes Policore nën akuzën e korrupsionit, shpërdorimit të detyrës dhe ndërhyrjes në të dhënat kompjuterike, dyshohet se ndërhyrjen për hequr alertin e një automjeti e ka bërë kohë më parë, kur punonte në Policinë Rrugore në Lezhë. Burimet bëjnë me dije se aksesin në TIMS efektivja nuk e ka pasur me emrin e vetë, por procedura është bërë nga një tjetër llogari.

Për të kryer këtë veprimtari të paligjshme dyshohet se Kuka ka marrë ryshfet nga biznesmeni Leonard Karruka, por hetuesit nuk e kanë të qartë shumën që ka përfituar. Dyshimet janë se Sulltane Kuka, ka hyrë në sistem dhe herë të tjera, por kjo po verifikohet nga hetimet, të cilat do të zbardhin të plotë nëse veprimtarinë e ka kryer gjithmonë kundrejt pagesës, apo edhe të miqësive.

Aktualisht ajo ushtronte detyrën e ruajtjes së objektit në Rinas dhe nuk ka pasur asnjë akses në sistemet e policisë. Pas arrestimit të efektives, me urdhër të kryepolicit Muhamet Rrumbullaku u bë përjashtimi i menjëhershëm i saj nga radhët e bluve. Zakonisht, makinat e shpallura “alert”, i përkasin asaj kategorie që janë konstatuar me shkelje nga shërbimet e policisë ose makinat inteligjente. Përgjithësisht alerti në raste të ngjashme qëndron në sistem për 6 muaj, dhe pas kësaj periudhe rezulton në sistem, por me status pasiv.

Pronari i automjetit, Leonard Karruka, i cili u ndihmua nga policja ka në pronësi një kompani me makina me qira në zonën e Rinasit, “Rinas CAR RENTAL”, e cila sipas ekstraktit të QKB-së merret edhe me dhënie import, eksport dhe tregti me pakicë te automjeteve te përdorura. Report Tv mëson se më herët e njëjta kompani i ka pasur disa prej automjeteve të bllokuara nga banka, të cilat janë ekzekutuar edhe nga përmbarimi.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

AMF mbledh sektorin financiar për festat dhe cakton prioritetet! Kaçi: Zbatim me transparencë i rregullores së faktorëve të riskut dhe besueshmëri në treg

AMF mbledh sektorin financiar për festat dhe cakton prioritetet! Kaçi: Zbatim me transparencë i rregullores së faktorëve të riskut dhe besueshmëri në treg

26 Dhjetor, 15:29