Pas incidentit në ndeshjen Besa-Tirana dhe arrestimit të kryebashkiaku i Kavajës Elvis Rroshi kanë  folur dhe protagonistë të njohur të futbollit. Presidenti i Federatës Shqiptare të Futbollit e cilëson incidentin skandaloz, ndërkohë që delegati i FSHF, Hitaj i pranishëm në ndeshjen Besa-Tirana si vëzhgues thotë se ndeshja ishte korrekte.

Duka: Incidentet skandaloze
futbolli në kohë të vështirë

Presidenti i Federatës Shqiptare të Futbollit, Armando Duka ka reaguar përherë të parë pas incidenteve që kanë ndodhur ditët e fundit në Gramsh dhe Kavajë. Njëshi i organit më të lartë të futbollit në Shqipëri ka dënuar aktet e dhunës duke i cilësuar si të papranueshme. Në një prononcim për gazetën 'Shqiptarja.com', Armando Duka deklaron se "Futbolli shqiptar ndodhet në një moment shumë të vështirë, po i vjen fundi, pasi nuk po dinë si ta drejtojnë. Këto incidente që po ndodhin nga java në javë janë tepër skandaloze. Më vjen shumë keq që po e shikojmë futbollin shqiptar në këtë kohë tepër negative" përfundon presidenti i Federatës Shqiptare të Futbollit. Theksojmë që më herët shefi i garave ë FSHF, Besnik Çela ka deklaruar se i gjithë faji për atë që ndodhi në Kavajë është i policisë së Shtetit, pasi nuk siguroi mbarëvajtjen e ndeshjes. Nesër pritet që Komisioni i Disiplinë të marrë një vendim për dy ngjarjet e fundit në futboll.

FSHF, shefi i garave Çela:
Faji i Policisë së Shtetit

Shefi i sektorit të garave në Federatën Shqiptare të Futbollit, Besnik Çela pas ngjarjes së ndodhur në Kavajë në pushim të ndeshjes mes ekipit të Besës dhe Tiranës ka reaguar për ‘Shqiptarja.com’ duke deklaruar se e gjithë kjo histori ndodhi për shkak se njëra nga hallkat e funksionit të shtetit ka dështuar në realizimin e detyrës. “Nëse policia e shtetit do të kishte kryer detyrën e saj, atëherë nuk do të kishte ndodhur jë incident i tillë. Por duke qenë se njëra nga hallkat nuk ishte në nivelin e duhur ndodhën të gjitha ato që pamë. Përsa i përket vendimit që do të merret do të zbardhet në mbledhjen e Komisionit të Disiplinës” deklaron Bsnik Çela.


Delegati i FSHF, Hitaj:
Ndeshja ishte korrekte
I pranishëm në ndeshjen Besa-Tirana ishte vëzhgues Hito Hitaj nga Federata Shqiptare e Futbollit. Hitaj në një prononcim deklaroi se rasti do të shqyrtohet, por nuk mendon se Tirana do të fitojë ndeshjen në tavolinë, pasi gjithcka brenda fushës ka qenë e rregullt. ‘Përsa i përket incidentit që pretendohet se ka ndodhur në dhomat e zhveshjes nuk kam parë asgjë, mund të flas vetëm për atë që kam parë që ka ndodhur në fushë. Mendoj që ndeshja ishte e rregullt dhe incidentet e vogla që ndodhën në fushë nuk do t’i japin Tiranës fitoren në tavolinë. Megjithatë në relacionin pas ndeshjes që do të zbardhet do të vlerësohet gjithcka është deponuar për atë që ka ndodhur’ përfundon Hitaj


Tirana kërkon fitoren në tavolinë:
Gjendja psikologjike solli humbjen

Ekipi i Tiranës pas incidenteve në ndeshjen me Besën ku pretendohet se është goditur trajneri Dede nga kryebashkiaku Elvis Roshi ka dorëzuar në Federatën Shqiptare të Futbollit një relacion ku shpjegon sipas versionit të saj gjithcka që ka ndodhur dhe kërkon ndeshjen në tavolinë. 24-herë kampionët e vendit kërkojnë fitoren në tavolinë duke u nisur nga fakti që presioni që është ushtruar në dhomat e zhveshjes në pushim të ndeshjes ka ndikuar që ekipi të marrë humbjen 2-1. ‘Ndikimi psikologjik që ka shkaktuar presioni i ushtruar nga kreu i Bashkisë së Kavajës Elvis Roshi kundrejt trajnerit të ekipit të Tiranës, Nevil Dede ka ndikuar në gjendjen e ekipit në pjesën e dytë duke kushtëzuar edhe rezultatin e sfidës së javës së 18- të kategorisë Superiore’. Kjo mësohet se është kërkesa e ekipit bardheblu drejtuar institucionit më të lartë të futbollit në Shqipëri.

Tirana, Lika: Nuk e pashë
incidentin, pyesni trajnerin

E ndërsa stafi drejtues i ekipit drejtues të Tiranës ka deklaruar se goditjen që mori Nevil Dede dhe një pjesëtar i stafit nga Roshi e kanë parë të gjithë futbollistët, një nga protagonistët Gilman Lika deklaroi se nuk kishte parë asgjë dhe se për këtë duhet të pyetet trajneri. “Kam dëgjuar se incidenti ka ndodhur në pushim të ndeshjes, por unë nuk kam parë asgjë, pasi kam qenë në dhomat e zhveshjes dhe i inpenjuar maksimalisht për atë që ndodhte në fushën e lojës, sepse pjesa e parë u mbyll në avantazhin e ekipit të Besës dhe kjo gjë na shqetësonte. Për atë që ka ndodhur mund të pyesni trajnerin dhe stafin drejtues” deklaron Lika. Shkodrani ishte autori i golit të vetëm për ekipin e Tiranës përballë ekipit të Besës.

Daiu: Roshi i pafajshëm, Dede
provokoi, FSHF me dy standarde

Trajneri i ekipit të Besës së Kavajës, Përparim Daiu ishte të dielën një nga protagonistët e ndeshjes, pasi arbitri i Hoxha e largoni nga bankina pasi grindjes me futbollistin e Tiranës Muca. Mirëpo Daiu deklaron se vendimi nuk ishte i drejtë. “Arbitri veproni në mënyrë të njëanshme me vendimin, Muca e meritonte të largohej me të kuq, pasi ofendoi bankinën dhe tifozerinë”. Përsa i përket incidentit të pretenduar, Daiu shprehet se kurrsesi nuk është e vërtetë një gjë e tillë. ‘Absolutisht që nuk ështe vërtetë, Roshi nuk është nga ata persona që deklarohet nga drejtuesit e Tiranës. Ai është një njeri futbolldashës, madje ka paguar edhe gjobën 18 mln lekë të FSHF për zhvillimin e ndeshjes jashtë. E gjithë historia është një alibi për humbjen dhe uroj që të mos një inskemin politik kundër Elvis Roshit. Ndeshja brenda fushës ka qenë korrekte dhe brenda standardeve, kështu që nuk mendoj që duhet të diskutohet rezultati i ndeshjes, Dede provokoi tifozët, Federata duhet të largohet nga vendimet me dy standarde dhe të japë një vendim të drejtë për incidentet që kanë ndodhur” përfundon Daiu.