POP 5

Lajmet më të lexuara të 5 minutave të fundit

Politikë

Lajme nga emisionet

Arrestimi i Vangjush Dakos, deputeti Krashi: Krerët e bashkive të mësojnë nga kjo që po ndodh! Ramaj: SPAK të dalë përtej politikës

Deputeti i PS, Lavdrim Krashi thotë se nga arrestimi i Vangjush Dakos duhet të mësojnë të gjithë krerët e 61 bashkive që dolën nga zgjedhjet e fundit. Në një intervistë për Report Tv, tha se kryetarët e bashkive janë gardianë të parave të popullit ndërsa shtoi se është për të ardhur keq që kryebashkiakët bëjnë si njësha.

Deputeti i PS, Lavdrim Krashi thotë se nga arrestimi i Vangjush Dakos duhet të mësojnë të gjithë krerët e 61 bashkive që dolën nga zgjedhjet e fundit. Në një intervistë për Report Tv në emisionin ‘Studio Live’ me gazetarin Arbër Hitaj, tha se kryetarët e bashkive janë gardianë të parave të popullit ndërsa shtoi se është për të ardhur keq që kryebashkiakët bëjnë si njësha.

“Është shumë e rëndësishme që më në fund në Shqipëri po ndodhin ngjarje që s’mund të imagjinoheshin 3-5 apo 10 vite më parë. Duket që ka qenë figurë e rëndësishme politike e PS për shumë vite. Më në fund erdhi dita që nuk ka njerëz që kanë imunitet ndaj sistemit të drejtësisë. Është për të ardhur keq që kryetarët e bashkive duket se janë njësha, mund të bëjnë ç’të duan, kur të duan. Ndërkohë që qytetarët i zgjedhin. Shpresoj që 61 krerët e bashkive të mësojnë nga kjo që po ndodh me Dakon. Kjo drejtësia e re me insistimin e komuniteti ndërkombëtar më në fund po funksionon dhe shpresoj që t’i shkohet deri në fund”, tha Krashi.

Ndërsa avokati Redi Ramaj thotë se kryetarët e bashkive s’duhet të keqmenaxhojnë paratë e qytetarëve ose të përballen me drejtësinë dhe s’mund të bëjnë çfarë të duan.

“Shpresoj që SPAK dhe çdo organ tjetër të dalë përtej politikës. Shqipërisë i duhen politikanë që thonë se vjedhja është turp. Ndonjëherë e humbim sensin pse abuzohet me detyrën në format që e vuajmë të gjithë. Shpërdorimi i detyrës nuk konsiderohet vepër penale e rrezikshme. Kryetarët e bashkive duhet të dinë që janë në përballje me qytetarët. Kryetarët e bashkive kanë shumë fuqi, bëjnë cfarë të duan”, tha Ramaj.

Ish-kryebashkiaku i Durrësit, Vangjush Dako është arrestuar në 6 qershor me urdhër të SPAK nën akuzën e shpërdorimit të detyrës së tij lidhur me lejen e ndërtimit të kateve shtesë në një pallat të ndërtuar 11 vite më parë si dhe për një tender të dhënë në vitet 2014-2015 për shëtitoren e plazhit të Durrësit duke i shkaktuar buxhetit të shtetit një dëm prej 18 milionë lekësh. Në pranga kanë rënë edhe 9 zyrtarë dhe ish zyrtarë të drejtorisë së Urbanistikës në Durrës të cilët akuzohen për shpërdorim detyre, falsifikim dokumentesh dhe korrupsion. Gjyqtari i GJKKO, Erjon Bani ka firmosur 10 masa arresti, 7 prej të cilave ‘arrest me burg’ dhe 3 ‘arrest shtëpie’.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Demotakercita: 08/06/2023 08:01

    Po nuk ju konfiskuan parate e vendosura me korupsion,nuk mund te kete drejtesi.Si gjithmon "Populli paguan"

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça