ITALI- Policia italiane ka mundur të arrestojë 3 trafikantët shqiptarë në Itali. Bëhet fjalë për Emirjan Beun, Syrjan Tolën dhe Dorian Beun të cilët ishin pjesë e një bande të trafikut të drogës në Milano e goditur nga autoritetet italiane në 2017. 3 trafikantëve u janë sekuestruar 1 mln euro pasuri në Durrës, të përfituara nga paratë e ardhura nga krimi. Policia e Durrësit ka sekuestruar 1 anije peshkimi, 1 apartament, 1 garazh, një bar kafe, 3 dyqane, 2 shoqëri peshkimi së bashku me asetet e tyre.
3 trafikantët nuk janë emra të panjohur për botën e krimit dhe u risollën sërish në vëmendje pas shkatërrimit të kësaj bande në janar të këtij viti.
Emirjan Beu, i njohur me nofkën 'Noizy' një prej 3 bosëve e grupit kriminal të trafikut të drogës, të shkatërruar pak ditë më parë në operacionin e përbashkët Shqipëri-Itali la shtetin fqinj në 2017-ën pas arrestimit të Alfred Lulit, një ndër të parët që ra në pranga nga grupi 6 vite më parë, dhe drejtimin e trafikut në Milano ia la Gernanrd Beut.
E gjitha u zbulua përmes përgjimeve në dosjen e siguruar nga Report Tv. Si rezultat i hetimeve në Itali, u zbulua banesa Gernard Beut më Milano, dhe identifikimin e Ramazan Gradës, personi që menaxhonte punishten ku kryhej përpunimi i lëndës narkotike heroinë. Hetimet tregojnë edhe momentin kur Grada kërkon të shkëputet nga Gernardi, për t’iu bashkuar një tjetër grupi kriminal më fitimprurës të lëndës narkotike kokainë.
Banda e trafikut të drogës Itali-Shqipëri që u shkatërrua nga megaoperacioni i autoriteteve italiane në bashkëpunim me ato shqiptare drejtohej nga 3 shqiptarë nga Durrësi, Braniol Liço alias Branjol Liço alias Braniol Aga, Gernard Beu alias Gernard Liço alias Gernard Ago dhe Emirjan Beu. Ata drejtonin dhe organizonin trafikun ndërkombëtar të drogës.
Mes të arrestuarve gjatë një hetimi ndërkombëtar për trafikun e drogës që përfshinte Italinë dhe Shqipërinë, janë edhe katër vëllezër shqiptarë që banojnë në Palazzolo sull'Oglio, në zonën e Brescias dhe që janë vënë në pranga.
Nga hetimi i nisur që në vitin 2017 mes autoriteteve italiane dhe shqiptare për çmontimin e bandës italo-shqiptare, u sekuestruan 5 milionë euro dhe sasi të mëdha droge, megaoperacioni i zhvilluar në koordinim me EUROJUST solli 43 urdhër-arreste në të dyja vendet. Report Tv dhe Shqiptarja.com solli një ditë më parë detaje nga dosja me përgjimet që fundosën grupin italo-shqiptar që merrej me trafik droge.
Emirjan Beu, të cilit sot iu sekuestruan pasuritë nga policia e Durrësit nuk është emër i panjohur për autoritetet shqiptare.
Ai, përveç se është vëllai i Florida Beut, e cila zbuloi skandalin e korrupsionit të ish-zëvendësministres së Brendshme Rovena Voda, ka ndërhyrë më herët tek prokurori i Kukësit, Edmond Karriqi, për dhënien ryshfet të 2 mijë eurove për lehtësimin e masës së sigurisë të një grupi të rinjsh që u kapën me drogë. Në 30 qershor 2021, bashkë me prokurorin Karriqi u arrestuan edhe Emirjan Beu, Dritan Dedja dhe Isuf Bega.
Emirjan Beu njihet si biznesmen që zotëron karburante dhe kompani të tregtimit të peshkut.
Komente
Lajme të tjera
-
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Moti i keq në Durrës, ishte ankoruar në portin e peshkimit, fundoset peshkarexha ‘Gimi dhe Geri’
23 Dhjetor, 14:40 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
VIDEOLAJM/ Dy tragete përplasen në kalatën e portit të Durrësit, shkak moti i keq! S'ka të plagosur
23 Dhjetor, 13:01 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34
Dhe thone pastaj nga vjen gjithe ky lek ne shqiperi
Përgjigju