POP 5

Lajmet më të lexuara të 5 minutave të fundit

Kronikë

Vodhën rreth 6 milionë lekë nga pensionet dhe falsifikuan pagesat! Arrestohen për shpërdorim detyre kreu i postës së Dibrës dhe shefi i marketingut, në kërkim postieri (VIDEO)

Kreu i postës së Dibrës, Ilir Vraniçi dhe shefi i marketingut, Xhevdet Doda janë arrestuar nga policia pasi me veprimet dhe mosveprimet e tyre, i kanë shkaktuar degës postare një dëm ekonomik në vlera të konsiderueshme monetare.

Kreu i postës së Dibrës, Ilir Vraniçi dhe shefi i marketingut, Xhevdet Doda janë arrestuar nga policia pasi me veprimet dhe mosveprimet e tyre, i kanë shkaktuar degës postare një dëm ekonomik në vlera të konsiderueshme monetare.

Gjithashtu është shpallur në kërkim dhe vijon puna për kapjen e ish postierit të identifikuar si Gazmir Hasi, 33 vjeç. Ai akuzohet për veprat penale  “Vjedhja e kryer duke shpërdoruar detyrën” dhe “Falsifikimi i dokumentave”, pasi dyshohet se ka vjedhur 6 milionë lekë nga masat e pensionit dhe të ndihmës ekonomike, si dhe ka falsifikuar mandat-pagesat duke firmosur në emër të përfituesve.

Në kuadër të operacionit 'Delivery' u bë ndalimi dhe ekzekutimi i masave të sigurisë "Arrest në burg", për shtetasit: 

Ilir Vraniçi, 64 vjeç, banues në Peshkopi, me detyrë kryetar i degës postare Dibër, i dyshuar për kryerjen e veprës penale “Shpërdorimi i detyrës";

Xhevdet Doda, 64 vjeç, banues në Peshkopi, me detyrë kryetar i Zyrës së Shërbimeve dhe Marketingut në degën e Postës Shqiptare në Dibër, i dyshuar për kryerjen e veprës penale “Shpërdorimi i detyrës” - njofton policia.

Materialet procedurale i kaluan Prokurorisë, për veprime të mëtejshme.

Në përditësim...

Rendit zhvillimet sipas orarit:
Ora 10:55
Vodhi 6 milionë lekë nga pensionet, firmoste sikur i merrnin të moshuarit në Dibër! Kush është postieri i shpallur në kërkim (Emri)

1658480290_Screenshot1.jpg

Report Tv ka siguruar detaje të reja nga operacioni në Dibër, ku është shpallur në kërkim postieri Gazmir Hasi, i cili vodhi 6 milion lekë nga paratë e pensioneve dhe firmoste sikur i merrnin pensionistët. Ai u shpall një kërkim pas denoncimit të disa pensionistëve në polici.

Ndërkohë u vu në pranga kreu i postës dhe shefi i marketingut për shpërdorim detyre.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34