S'pranoi t'i merrte një punë përsipër dhe e qëlloi me automatik! Arrestohet pas 3 muajsh autori i plagosjes së muratorit në Theth (EMRI)

Foto ilustruese

Policia e Shkodrës ka arrestuar autorin e plagosjes së 47-vjeçarit Gëzim Ndrezaj më 26 shtator në Theth. Mësohet Gjykata e Shkallës së Parë Shkodër ka dhënë masën e sigurisë 'arrest me burg' për Klisman Çunin, për veprën penale “plagosje e rëndë me dashje dhe armëmbajtje pa leje”. Report Tv mëson se 47-vjeçari Ndrezaj punonte si murator.

Dyshohet se konflikti mes tij dhe Çunit ka ndodhur për prishje pazari, pasi autori i ka kërkuar që t'i bëjë një punë, po ai nuk ka pranuar. Për pasojë, autori ka nxjerrë automatikun nga makina dhe e ka qëlluar në këmbë.

Ndrezaj deklaronte asokohe përpara uniformave blu, se ka pasur vetëm një të shtënë si dhe ka rrëfyer se autorin e njeh, pasi është banor i zonës.

“Ka edhe më keq. Autori më kërkoi të bëja një punë. I thashë se nuk kam mundësi. E njoh autorin, është vendali. Më plagosi me automatik. Ai ishte me makinë. Më gjuajti një herë”, thoshte asokohe muratori Ndrezaj.

M.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet ta legalizojë Shqipëria kanabisin për qëllime mjekësore?



×

Lajmi i fundit

John

Australia ofron gaz për Evropën mes shtimit të krizës Rusi-Ukrainë