DURRES - Një avokat nga qyteti i Durrësit u vu në pranga pasi në mënyrë të vazhdueshme përndiqte me mesazhe gazetarin Sokol Balla.
 
Specialistët për Krimet në Komisariatin e Policisë së Durrësit arrestuan në flagrancë avokatin 62-vjeçar Ilir Malindi, banues në qytetin bregdetar.
 
Sipas njoftimit zyrtar të policisë, i ka dërguar mesazhe të shumta kërcënuese përmes telefonit gazetarit të njohur Balla.
 
Sipas burimeve nga Policia e Durrësit për A1 Report, avokati kërkonte të kishte akses në emisionin politik që Balla drejton në Top-Channel, për disa çështje të tijat, por gazetari ka refuzuar. Nga ky moment kanë nisur edhe mesazhet e avokatit drejt Sokol Ballës. 

Materialet procedurale në ngarkim të avokatit i kaluan Prokurorisë së Durrësit e cila do ta hetojë për veprën penale të “Përndjekjes”

Së fundi, gazetari i njohur Sokol Balla është vënë në qendër të opinionit publik pas nxjerrjes së një videoje private.  


Ilir Malindi
                               (Në foto avokati i arrestuar Ilir Malindi​)


Redaksia Online
(Gre.M/Shqiptarja.com)