POP 5

Lajmet më të lexuara të 5 minutave të fundit

Kronikë

Mediat turke: Arrestohet bashkëpunëtori që ndihmoi në arratisjen e bosit turk të kriptomonedhës në Shqipëri

Një shqiptar është arrestuar dhe më tej është lënë i lirë, pasi ndihmoi në fshehjen e biznesmenit turk të kriptomonedhave në vendin tonë. Altjan Canaj është shprehur se e mësoi historinë e mashtrimeve të bosit turk vetëm pasi u publikua në media. Por nga marrja e tij në pyetje është zbuluar se rolin kryesor në arratinë e turkut Ozer e pati një biznesmen, Edevaldo Haxhiu, i cili është shpallur në kërkim.

Autoritetet shqiptare ende nuk kanë bërë asnjë deklaratë në lidhje me arratisjen  më 20 prill të bosit turk të kriptomonedhës Faruk Fatih Özer dhe strehimin e tij në vendin tonë. Por mediat turke shkruajnë se është arritur që policia shqiptare të vë në pranga bashkëpunëtorin që ndihmoi turkun në arratisjen dhe strehimin në Shqipëri.

Sipas mediave turke, i arrestuari është Altjan Canaj, ndërsa kontaktuar nga Report Tv, autoritetet shqiptare nuk e pohojnë vënien e tij në pranga.

Mediat turke rrëfejnë se pas arrestimit Canaj pranoi se ai e kishte ndihmuar Faruk Fatih Özer në bashkëpunimin me një tjetër shqiptar të quajtur Edevaldo Haxhiu, i cili kishte pjesën kryesore në arratisje.

Canaj, deklaroi se e kishte kuptuar se ishte fajtor vetëm pas lajmeve në media. Para hetuesve ai ka deklaruar se bashkë me shqiptarin tjeter e pritën themeluesin Thodex në aeroport me kërkesë të një shoku të tij të njohur dhe e çuan në hotel.

Canaj tha se kur mësoi nga shtypi se Özer ishte i përfshirë në një mashtrim të jashtëzakonshëm të 391 mijë investitorëve, është takuar përsëri me shqiptarin tashmë në kërkim sipas mediave turke, Edevaldo Haxhiun dhe më pas Cana i është fshehur policisë për 15 ditë nga frika e arrestimit.

Altjan Canaj u identifikua nga autoritetet përmes pamjeve të kamerave të sigurisë teksa shfaqej në krah të Özer në recepsionin e një hoteli në Tiranë.

Sipas informacionit të marrë nga burimet e policisë turku, Faruk Fatih Özer është fshehur me menaxherin e një kompanie furnizuese të produkteve ushqimore në Shqipëri.

Autoritetet turke vijonë operacionet intensive për kapjen e bosit të kriptomonedhës turke “Thodex”që dyshohet se ka me vete edhe një server, brenda të cilit mbahen 108 milion dollarë në kriptomonedha

Faruk Fatih Özer

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58