KOSOVË- Përfaqësuesi i lartë i Bashkimit Europian, Josep Borrell ka njoftuar mbrëmjen e sotme arritjen marrëveshjes mes Kosovës dhe Serbisë për çështjen e targave. Nëpërmjet një postimi në Twitter, Borrell ka bërë me dije se kryenegociatorët e Kosovës dhe Serbisë nën ndërmjetësimin e BE-së kishin rënë dakord për disa masa që do të shmangin përshkallëzimin e mëtejshëm të konfliktit.
Marrëveshja përmban ndalimin e lëshimit të targave me emërtimet e qyteteve të Kosovës nga ana e Serbisë. Nga ana tjetër, Kosova do të ndërpresë ndalimin e automjeteve serbe në kufi duke mos i detyruar për të kryer riregjistrim të mjeteve.
“Ne kemi nje marreveshje! Me kënaqësi ju njoftoj se kryenegociatorët e Kosovës dhe Serbisë nën ndërmjetësimin e BE-së kanë rënë dakord për masat për të shmangur përshkallëzimin e mëtejshëm dhe për t'u përqëndruar plotësisht në propozimin për normalizimin e marrëdhënieve të tyre. Serbia do të ndalojë lëshimin e targave me emërtimet e qyteteve të Kosovës dhe Kosova do të ndërpresë veprimet e mëtejshme në lidhje me riregjistrimin e automjeteve. Unë do t'i ftoj palët në ditët në vijim për të diskutuar hapat e ardhshëm. E falënderoj Miroslav Lajcak dhe palët për punën e palodhur”-reagimin e Borrell.
Pas arritjes së marrëveshjes pritet që të ulen tensionet në veri të Kosovës, ku Lista Serbe paralajmëroi protesta të vazhdueshme kundër vendimit të qeverisë Kurti për reciprocitetin e targave. Ndërkohë Kurti dhe Vuçiç të cilët u takuan në 21 nëntor në Bruksel nën ndërmjetësimin e Lajçak dhe Borrell, sërish nuk arritën një marrëveshje për targat.
Pas dështimit të negociatave, Borrell u shpreh i ashpër kryesisht ndaj Kosovës., duke kërkuar fleksibilitet për çështjen e targave. Kjo deklaratë e Borrell solli edhe një reagim të presidentes së Kosovës, Vjosa Osmani e cila akuzoi përfaqësuesin e BE-së për njëanshmëri në favor të Serbisë.
Ndërkohë në institucionet në veri të Kosovës, vijon ngërçi i krijuar pas dorëheqjes së zyrtarëve serbë nga institucionet shtetërore pas pezullimit të drejtorit të policisë në Mitrovicën e Veriut, Nenad Gjuriç. Vendimi i marrë nga Kurti shkaktoi dorëheqjen e policëve serbë, më pas të gjyqtarëve prokurorëve dhe anëtarëve të këshillave komunalë. Dorëheqjet e tyre u ndoqën edhe nga dorëheqjet e deputetëve serbë nga mandati i tyre në Kuvendin e Kosvovës.
Vjosa Osmani caktoi datën 18 dhjetor për zhvillimin e zgjedhjeve lokale në katër komuna në veri të Kosovës pas dorëheqjeve të kryetarëve të komunave dhe këshilltarëve komunalë.
Komente
Lajme të tjera
-
FOTO/ Mbrojtësi i Interit kalon Krishtlindjet në Gjakovë me të dashurën shqiptare
26 Dhjetor, 11:26 -
Albin Kurti 42 km rrugë? Gjatë mandatit të qeverisë u ndërtuan 1.6 kilometra për 3 vite
26 Dhjetor, 11:25 -
Pjesëtari i forcave serbe dënohet me 15 vjet burg në mungesë për krime lufte në Kosovë! Çedomir Aksiq akuzohet për vrasjen e 8 shqiptarëve në Reçak
26 Dhjetor, 11:20 -
Vuçiç: Sa të jem unë president, nuk do ta njoh kurrë Kosovën
25 Dhjetor, 21:43 -
Kamberi: Nëse protestat 'shuhen', Vuçiç do e çojë Serbinë në diktaturë
25 Dhjetor, 20:46 -
Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni
25 Dhjetor, 17:25
-
VIDEO/ Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve
25 Dhjetor, 16:02 -
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Osmani: Lista Serbe është angazhuar në akte terroriste dhe akte agresioni
24 Dhjetor, 19:57 -
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51
shyqyr qe rate dakort se na cmendet ne ketu ne shqiperi,,,targat,,targat,,,s'mund te hapshim televizorin....
Përgjigju