Arsenal shpërdoron në 'Anfield', Liverpool-i i Kloop i bën nder City-t të Guardiolës! C. Palace shpërtallon Leeds-in (VIDEO)

Arsenal nuk ka mundur të fitojë në superpërballjen e javës në Premier League kundër Liverpool edhe pse ‘topçinjtë’ kryesues të kampionatit në një moment udhëhiqnin me dy gola. Në ‘Anfield’ të besuarit e Mikel Artetas do kalonin shumë shpejt në avantazh, pasi në minutën e 8 Martinelli zhbllokoi shifrat, duke dhënë idenë e një ndeshje që do i përkiste londinezëve.

Kjo përshtypje u thellua akoma më shumë në minutën e 28 kur Gabirle Jesus dyfishoi me kokë, mirëpo nga ky moment Arsenali filloi të lëshonte terren. Pas ritmit të shtuar Liveprool arriti të shkurtonte diferencat në fundin e pjesës së parë, ndërsa ishte po egjiptiani ai i cili në fillimin e pjesës së dytë do të gabonte një penallti.

Gjithsesi kjo nuk do zbehte dëshirën e Liverpool për të barazuar dhe pas disa tentativave në minutën e 87 Firminho ia arriti. Braziliani barazoi shifrat në 2-2 me kokë 10 minuta pasi hyri si zëvendësues. Ky rezultat do të mbetej përfundimtar, me skuadrën e Kloop që i bën kështu një dhuratë Manchester City-n ndjekës. Pas 30 ndeshjesh Arsenali vijon të kryesojë me 6 pikë më shumë se ekipi i Guardiolës, por City ka një ndeshje më shumë për të zhvilluar.

Kliko këtu për golat e Liverpool-Arsenal.

Ndërkohë më herët në Premier League Crystal Palace do të shpërtallonte 1-5 Leeds-in në shtëpi. Kjo edhe pse vendasit realizuan të parët, ndërsa në vijim për Crystal Palace do shkëlqente Ayeë me ‘dopietë’. Kjo humbje për Leeds do të thotë se rrezikojnë qëndrimin në Premier League për sezonin e ardhshëm.

Kliko këtu për golat e Leeds-Crystal Palace.

Ne.k./LR/Shqiptarja.com

TAG:
• arsenal
• liverpool
• Manchester City
• premier league