Premier League e futbollit në Angli zhvilloi këtë të diel (18 maj) pesë nga ndeshjet e javës së 37-të, ose thënë ndryshe të parafundit të sezonit. Me Man. Cityn që ka një sfidë më pak, numri i skuadrave që garojnë për një vend në Champions League shkon në pesë.

Do jetë java që vjen ajo që do vendos edhe verdiktet finale, teksa gjithçka mbetet e hapur. Liverpool e ka siguruar tanimë titullin kampion, teksa Arsenali "blindoi" vendin e dytë. Ndërkohë Leicester, Ipswich dhe Southampton nga sezoni i ri do luajnë një kategori më poshtë.

Në "Emirates" Arsenali nuk zhgënjeu para tifozëve të vet dhe mposhti 1-0 Newcastle. Paçka se përballja ishte e barabartë, duhej goli nga jashtë zone i Declan Rice në minutën e 55-të që "Topçinjtë" e Artetas të merrnin tri pikë dhe zyrtarisht këtë sezon do e mbyllin në vendin e dytë.

Edhe Everton siguroi tri pikë në shtëpi duke mposhtur 2-0 Southampton, teksa për vendasit Armando Broja mbeti në tribunë. Tri pikë të arta për Nottingham, që në Londër mposhti 1-2 West Hamin. Fitore nderi për Leicester, që mposhti 2-0 Ipswich. Jamie Vardy, veterani që do largohet nga "Dhelprat" pas 13 sezonesh gjeti golin e 200-të me fanellën e Leicester në ndeshjen e 500-të.

Premier League, raundi 37-të:

E diel, 18 maj 2025

Everton 2-0 Southampton

West Ham 1-2 Nottingham

Brentford 2-3 Fulham

Leicester 2-0 Ipswich

Arsenal 1-0 Newcastle

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Janar, 22:15

    Arrestimi i Maduros, si e vlerësoni sulmin e SHBA-ve në Venezuelë?

Lajme të tjera