Arsenalit nuk i mjafton Mkhitaryan, mposhtet në transfertë, Chelsea kalon Brighton (Golat)
Chelsea ka marrë 3 pikët e radhës në “Premier League” pasi sot ka mposhtur në transfertë skuadrën e Brighton. Ndryshe qëndron situata për Arsenal që është mposhtur 3-2 nga Southampton.
Ernest Koçi 16 Dhjetor 2018, 19:24 | Përditesimi: 16 Dhjetor 2018, 19:44
Chelsea ka bërë detyrën në transfertë kundër Brighton duke fituar me rezultatin 1-2 ndeshjen e vlefshme për javën e 17 të “Premier League”. Në minutën e 17 londinezët zhbllokuan shifrat me Pedro-n që finalizoi me portën e boshatisur pas një asisti të bukur të Hazard. 15 minuta më pas ishte Uilliam që shërbeu për belgun, I cili nuk fali përballë portierit duke dyfishuar rezultatin.
Nga ky moment skuadra e Sarri-t uli ritmin dhe skuadra mike mori frerët e lojës. Në pjesën e dytë në minutën e 66, Brighton shkurtoi diferencat, por gjithsesi deri në përfundim të takimit nuk arriti të gjente golin që do ta nxirrte me pikë nga kjo sfidë.
Fiton Chelsea, por jo Arsenal që sot pavarësisht ‘dopietës’ së Mkihtarya-n është mposhtur 3-2 në transfertën e Southampton. Skuadra e drejtuar nga Emery arriti në dy raste të barazonte pasi kishte kaluar në disavantazh, por në fund o dorëzua para këmbënguljes së vendasve.
Për Southampton vendimtar ishte goli i realizuar në minutën e 85 nga Austin që përfitoi nga një dalje e gabuar e portierit gjerman Leno. Në fund një humbje që momentalisht e nxjerr skuadrën londineze jashtë zonës së “Champions League”.