POP 5

Lajmet më të lexuara të 5 minutave të fundit

Kultura

Art me historitë e ish të burgosurve në Spaç, hapet ekspozita me skulptura dhe kukulla artizane!

Historitë e 49-të ish të burgosurve politik në burgun famëkeq të Spaçit, u treguan nëpërmjet një ekspozite të veçantë. Portretet e tyre u ndërtuan me allçi, ndërsa historitë u incizuan gjatë një udhëtimi në 8 qytete të vendit.

20 vite të jetës Hysen Ismailhaxhiaj i ka kaluar në burgun famëkeq të Spaçit në Mirditë. Atë kohe e cilëson si skëterrë, e kërkon që ai vend të memorializohet si kujtim për të gjithë ata që vuajtën e dhanë shpirt aty.

“Jam dënuar 20 vjet. 10 vjet në Durrës  dhe 10 vjet këtu. Deklarata, spiunllëqe më morën jetën. Ku sistem nuk mund të jetohet, është i pa pranueshëm. Nuk e kisha thënë në konferenca. Kam nxjerrë bakër dhe marr pension që s’të del as për ilaçe as për bukë. Skëter e mbaj mend kohën. Duhet respektuar ky vend për gjakun e atyre djemve. Njëherë mbaj mend që i zunë 7 veta. Nga 76 deri në 90-tën kam qëndruar”, tha Hysen Ismailhaxhiaj ish i burgosur Politik.

Për akuza si agjitacion dhe propagandë, tradhti ndaj atdheut apo tentativë të rrëzimit të pushtetit popullor vetëm për shkak se kundërshtonin regjimin e Enver Enver Hoxhës, në Spaç vuajtën dënimin dhe Hysen Ismailhaxhiaj dhe Gjon Prendi. Periudha në këtë vend ishte mjaft e errët. Kanë parë njerëz të ju vdisnin para këmbëve, e të qëndrojnë pa bukë.

“Kam qenë nga viti 77-82. U dënova 7 për propagandë. Nuk bëra asgjë, por na fusnin kot në burg. Ruheshim. Jam nga Skrapari. U dënova sikur isha kundra partisë. 47 vjeç isha kur u dënova dhe me fëmijë. Punoja specialist ndërtimi. Më keq skishte. Punponim 3 turne. Futeshim nën tokë dhe nxirrnim bakër. Mërziteshe shumë. Njëherë më erdhi gruaja. Ata që vdisnin i cconin në një gjysmë metre. Më kanë vdekur shumë njerëz të njohur. Për ne që punonim ushqimi ishte mirë, ata që nuk punonin ishte keq”, tha Bajram Dyrmishi ish i burgosur Politik, 95 vjeç.

“Bashkë me një shok donim të arratiseshim. Në Jugosllavi u kapëm dhe u dënova 10 vjet, ndërsa ai tjetri si përsëritës 20 vjet. Mua mu mbush mendja hë se ky e di rrugën. Për tradhti ndaj atdheut. Pas 7 muaj hetuesi jam dënuar në Laç. Pas Laçit në Rubik, pastaj në Vlorë. Prej atje kam ardhur në Spaç. U transferova, erdha në Spaç. 6 vjet këtu. Jam liruar në 75. Kam qenë këtu gjatë revoltës. Isha turn i parë”, tregoi Gjon Prendi.

Këtë herë ata në Spaç ishin për të ndjekur një ekspozitë, e cila rrëfente artistikisht historitë e tyre por dhe të 46 të ish-të përndjekurve politik të tjerë. Ishin djem dhe vajza të apasionuar pas artizanatit, që kanë prodhuar kukulla artizanale, duke portretizuar të burgosurit që meritojnë te mbahen mend. E gjitha kjo punë është bërë pas udhëtimit të kuratorëve në 8 qytete të Shqipërisë, ku përveç portretizimit të ish-të burgosurve , regjistruan edhe historive e tyre personale të tyre, të përjetuar ne ish-burgun e Spaçit.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

27 Nëntor, 22:55