Artan Didi shkarkon të akuzuarin
nga Dritan Dajti, Arjan Muça
Shkarkohet nga detyra Drejtori i Mbrojtjes së Dëshmitarëve, Arjan Muça. Në vend të tij, Drejtori i Përgjithshëm i Policisë ka emëruar Agron Sojatin.
TIRANE - Shkarkohet nga detyra Drejtori i Mbrojtjes së Dëshmitarëve, Arjan Muça. Shkarkimi i tij është firmosur nga Drejtori i Përgjithshëm i Policisë, Artan Didi. Në vend të tij, Drejtori i Përgjithshëm i Policisë ka emëruar Agron Sojatin. Ndërkohë që në polici është rikthyer Artan Bajraktari, një nga emrat më të njohur të policisë
Arjan Muça, i përfoluri në çdo seancë gjyqësore nga Dritan Dajti, i cili po gjykohet për vrasjen e katër oficerëve në Durrës, është shkarkuar nga detyra, ndërkohë që në polici është rikthyer Artan Bajraktari, një nga emrat më të njohur të policisë, i cili u nxor në reformë në vitin 2005. Urdhri për këto ndryshime është firmosur nga kreu i ri i policisë, Artan Didi, i cili dje ka qenë i pranishëm, bashkë me ministrin e Brendshëm për prezantimin e drejtorit të ri të policisë së Tiranës, Ardian Çipa. Burimet zyrtare nga Ministria e Brendshme bënë të ditur se dje në mëngjes, kreu i policisë ka firmosur largimin e Arjan Muçës nga funksioni i Drejtorit për Mbrojtjen e Dëshmitarëve në Drejtorinë e Përgjithshme të Policisë së Shtetit dhe emërimin e tij si specialist në një nga sektorët e Akademisë së Policisë.
Në vend të tij, Drejtori i Përgjithshëm i Policisë ka emëruar Agron Sojatin, bashkëpunëtor i Didit për ndërtimin e programit për ristrukturimin e policisë, draft i cili iu propozua ministrit të Brendshëm dhe mbi bazën e tij po bëhet reforma në këtë institucion. Ndërsa sa i përket Arjan Muçës, i cili është djali i Selim Muçës, kreu i komunitetit mysliman në vendin tonë, burimet policore bënë të ditur se emri i tij është përfolur shumë nga i pandehuri Dritan Dajti në lidhje me operacionin për arrestimin e këtij të fundit, ku mbetën të vrarë katër punonjës të operacioneve speciale. Muça ishte personi, që dha urdhrin për ndërhyrje, për të cilën edhe sot ka diskutime nëse ka qenë një operacion profesional, apo ka pasur shumë defekte.
Madje, menjëherë pas këtij operacioni me pasoja të rënda në vitin 2009 dhe dorëheqjen ish-drejtori i përgjithshëm i policisë, Ahmet Prençi. Gjithashtu, Muça është akuzuar nga Dajti edhe për një sërë ngjarjesh të tjera, ndër të cilat ka qenë edhe ajo e vrasjes së Sali Tivarit. Sa i përket lëvizjeve të tjera që janë kryer dje në kupolën e policisë mësohet se kreu i ri i policisë ka shkarkuar edhe Behar Tafën nga funksioni i Drejtorit të Drejtorisë së Bashkëpunimit dhe Koordinimit Ndërkombëtar të Policisë. Në krye të kësaj drejtorie, e cila ka në varësi Interpol-Tiranën është vendosur Artan Bajraktari, i cili është rikthyer në polici pas një mungese prej 8 vitesh. Bajraktari ka drejtuar Interpol-Tiranën deri në vitin 2005, kur u nxor në reformë.
Shkrimi u publikua sot (12.10.2013) në gazetën Shqiptarja.com (print)Redaksia Online(d.d/shqiptarja.com)
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
69.8%
-
Jo
19.4%
-
Ndoshta
10.8%
Vota total: 510
Votat totale janë unike
Lajme të tjera
-
Vrau katër policë, Dritan Dajti kërkon lirinë në gjykatën e Elbasanit! Avokati: Nëse kanë frikë ta sjellë RENEA në gjyq, Gjyqtarja: E ndjek me video nga burgu i Peqinit
11 Korrik, 11:06
-
Dritan Dajti letër drejtorit të burgut të Peqinit: Nis procedurat e lirimit, dënimin e mbylla më 4 korrik! Pak ditë më parë Gjykata e Lartë i riktheu 'burgun përjetë'
5 Korrik, 13:13
-
Vrau katër policë, rikthehet burgimi i përjetshëm për Dritan Dajtin! Gjykata e Lartë zhbën vendimin e Apelit që e dënoi 25 vite
11 Qershor, 13:31
-
Vrau 4 policë në 2009,Gjykata e Lartë rrëzon kërkesën e Dritan Dajtit për përjashtimin e gjyqtarit Sandër Simon
7 Qershor, 12:48
-
Vrau 4 policë në 2009, Prokuroria kërkon rikthimin e dënimit me burg përjetë për Dritan Dajtin, Gjykata e Lartë shtyn seancën, zëvëndësohet gjyqtari
4 Qershor, 11:12
-
Vrau 4 policë në 2009, Gjykata e Lartë vendos më 4 qershor për Dritan Dajtin! Prokuroria kërkon rikthimin e dënimit me burg përjetë
15 Prill, 13:09
-
Apeli lë në fuqi vendimin, Dritan Dajti përfiton 1 vit ulje dënimi
26 Qershor 2023, 13:33
-
Shpëtoi Dritan Dajtin nga burgu përjetë, KPA shkarkon përfundimisht gjyqtarin Petrit Aliaj! Nuk justifikonte pasurinë
16 Nëntor 2022, 19:01
-
Noizy takon Dritan Dajtin në burgun e Peqinit? Ja çfarë i kërkoi 'i forti' që vrau 4 efektivë policie
21 Shtator 2022, 20:03
-
U vranë në aksionin për kapjen e Dritan Dajtit, 4 rrugë në Tiranë do të mbajnë emrin e policëve heronj
24 Dhjetor 2021, 18:55
-
Pasuritë e Dritan Dajtit/ Eksperti vlerësues tërhiqet në mënyrë misterioze, zvarritet procesi i konfiskimit të disa apartamenteve dhe aksioneve
22 Nëntor 2021, 15:17
-
I dënuar për vrasjen e 4 oficerëve/ Dritan Dajti shoqërohet sërish me urgjencë drejt spitalit në masa të rrepta sigurie
23 Shtator 2021, 00:12