Artan Shabani i dhuron Barrosos
“Homo Balcanicus”, e realizoi vet
Artan Shabani, një piktor shqiptar që e zhvilloi karrierën e tij artistike në Europë, e ka bërë të lumtur Presidentin e Komisionit Europian, Jose Manuel Barroso, duke i dhuruar një pikturë të çmuar nga koleksioni personal i veprave të tij.
TIRANE- Artan Shabani, një piktor shqiptar që e zhvilloi karrierën e tij artistike në Europë, e ka bërë të lumtur Presidentin e Komisionit Europian, Jose Manuel Barroso, duke i dhuruar një pikturë të çmuar nga koleksioni personal i veprave të tij. Piktura është shkëputur nga cikli i famshëm “Homo Balcanicus”, një nga ciklet më të vlerësuara të këtij autori nga kritikët e artit. Piktura iu dhurua presidentit të Komisionit Europian, Barroso, në mbrëmjen e ditës së hënë në Galerinë Kombëtare të Arteve nga drejtori Artan Shabani gjatë vizitës që bëri në këtë institucion.
Jo vetëm nga institucionet shqiptare, por edhe nga ato ndërkombëtare është pohuar shpesh se Shqipëria me talentet e saj ka hyrë më herët në Bashkimin Europian. “Po hyjmë me këmbën e kulturës në BE”, ka deklaruar edhe vet ministrja e Kulturës Kumbaro në një intervistë për “Shqiptarja.com” kur Shqipëria fitoi të drejtën që organizata kulturore të saj të aplikojnë me projekte në Nënprogramin Kulturor të Europës Krijuese. Piktori Artan Shabani tashmë drejtor i Galerisë Kombëtare të Arteve në Tiranë është njëri nga talentet që është shquar për më shuam se 20 vjet në në hierarkinë e pikturës evropiane.
Presidenti i Komisionit Europian, Jose Manuel Barroso, e vizitoi institucionin e GKA-së i shoqëruar nga Kryeministri Edi Rama, Kryetari i Parlamentit Ilir Meta, Ministrja e Kulturës Mirela Kumbaro dhe ministra të tjerë të kabinetit qeveritar, si dhe përfaqësues të trupit diplomatik në Tiranë. Ai vizitoi sallat e koleksioneve të Galerisë Kombëtare duke përfshirë edhe pikturat e periudhës së realizmit socialist dhe së fundi qëndroi tek ekspozita e radhës, “Farajon” e artistit të njohur Ilirian Shima.
Artan Shabani i ka mirëpritur Presidentin Barroso dhe përfaqësuesit e qeverisë “me një guidë të pasur për një njohje të historisë së artit pamor shqiptar”, siç u shpreh ai për “Shqiptarja.com”. ai tha ndër të tjera se “Presidenti Barroso shfaqi interesin e tij ndaj pikturës, kësaj fushe të artit shqiptar, fushë nga e cila vjen edhe kryeministri Rama”. Ndërkohë mësojmë se drejtori i Galerisë Kombëtare, Artan Shabani i dhuroi Z. Barroso një vepër e realizuar në Torino vite më parë. Bëhet fjalë për veprën që prezanton figurën e një burri shqiptar dhe titullohet “Homo Balcanicus”, punuar në vaj dhe me teknikë mikse në letër. Kjo vepër është prezantuar në ekspozitën “Visage d'Albanie” në principatën e Monte Carlos, si dhe në muzeumin Carlo Biscaretti da Ruffia në Torino në ekspozitën “Via Egnatia”, ekspozitë kjo dedikuar Shqipërisë.
Presidenti Barroso vlerësoi mikpritjen që iu bë gjatë qëndrimit në Galerinë Kombëtare të Arteve, e cila përmbylli vizitën zyrtare njëditore të Presidentit të KE-së Jose Manuel Barroso në Shqipëri, vizitë e cila erdhi menjëherë pas marrjes nga vendi ynë të Statusit të Vendit Kandidat të Bashkimit Europian.
Shkrimi u botua në Shqiptarja.com (print) në 2 Korrik 2014
Redaksia Online
(d.a/shqiptarja.com)
Sondazhi i ditës:
Si do e drejtojë Kuvendin Elisa Spiropali krahasuar me Lindita Nikollën?
-
Më mirë
27.7%
-
Njësoj
15.8%
-
Më keq
56.5%
Vota total: 4672
Votat totale janë unike
Lajme të tjera
-
Eliminimi nga CL/ Orges Shehi 'sms' klubit: Duhet ndërhyrje në merkato, peng ndeshja e parë
1 Gusht, 22:50
-
'Lojtarët gabuan', Edlir Tetova pas eliminimit nga CL: Egnatia ishte në presion, s'e di pse
1 Gusht, 22:38
-
Si funksionoi në praktikë këmbimi i të burgosurve mes SHBA-së dhe Rusisë
1 Gusht, 22:32
-
Incidenti me Osmanin në aeroport, reagon Ministria e Brendshme maqedonase: Iu kërkua të kalonte telefonin në skaner, sigurimi i saj kërcënoi punonjësit
1 Gusht, 22:11
-
Këshilltari i Vjosa Osmanit tregon çfarë ndodhi në aeroport: Pala maqedonase mori çantën personale të presidentes, por telefoni nuk u dorëzua
1 Gusht, 21:59
-
Futbolli shqiptar dështim në Evropë, Egnatia dhe Partizani eliminohen nga Conference League
1 Gusht, 21:58
-
Incidenti i presidentes Osmani në aeroportin e Shkupit, zv.kryeministri i Maqedonisë: Ishte keqkuptim
1 Gusht, 21:36
-
Arrestimi i kryeprokurorit të Vlorës, Gazment Bardhi sulmon SPAK: Drejtësi selektive, fsheh përfshirjen e Ballës
1 Gusht, 21:22
-
'Dhunohet' Vjosa Osmani, sigurimi i Aeroportit të Shkupit tenton t'i marr celularin! Presidenca: E paprecedente
1 Gusht, 21:22
-
Spektakël në SHBA, Milani mposht minimalisht Real Madridin
1 Gusht, 21:08
-
Aksident në aksin Levan-Tepelenë, mjeti del nga rruga dhe përfundon në kanal! Humb jetën shoferi
1 Gusht, 21:03
-
Nikoll Lesi: Fiksimi i Edi Ramës dhe pse Berisha mbetet Sali
1 Gusht, 20:59