Pas gati 2 vitesh mbyllet gjyqi për vrasjen e balerinës Sonila Tafa në një lokal nate në periferi të Tiranës, në prill të 2013. Artur Kuliçaj, personi i akuzuar për kërë vrasje është dënuar dje me burgim të përjetshëm nga Gjykata e Tiranës.

Në fakt këtë dënim maksimal e ka kërkuar prokuroria dhe gjykata e shkallës së parë ka vendosur që Kuliçaj të vuajë burgim të përjetshëm për krimin që ka kryer. Kuliçaj i njohur ndryshe si i afërmi i ishzëvendës drejtorit të Policisë së Shtetit, Agron Kuliçaj nga moment i vrasjes ka mundur t’i shpëtojë policisë dhe sot rezulton i shpallur në kërkim dhe nga Interpol Tirana.