Kryeministri Edi Rama nuk e fshehu zhgënjimin për mediat që sipas tij, në vend të raportimit për analizat dhe bisedat lidhur me sektorë të ndryshëm në mbledhjen e grupit parlamentar të PS, e fokusuan vëmendjen te "çfarë i tha Edi Rama njërit dhe çfarë i tha Edi Rama tjetrit". Këtë shqetësim e shprehu në mbledhjen e Asamblesë së PS në njësinë nr. 7 në Tiranë.

Nga mbledhja e PS rezultoi se kishte pasur një përplasje mes Elisa Spiropalit dhe ministers Erjona Ismaili, ku kishte ndërhyrë edhe Rama duke iu drejtuar deputetes “mos më detyro të të nxjerr jashtë.”

"Ishte spektakolare, ishte e pabesueshme edhe për mua që besoj që nuk ka më çfarë më surprizon, që ne mblidhemi në një mbledhje të zgjeruar të grupit parlamentar me qeverinë, gjë që kemi vendosur ta bëjmë çdo fund muaji, për të trajtuar tema specifike, i kushtojmë orë të tëra çështjes së pronave, çështjes së shërbimit të kadastrës, problematikave në këtë shërbim, ecurisë së reformës në kadastër, shumë gjërave pozitive që janë bërë, shumë gjëra që duhen të vazhdojnë të bëhen, pastaj flasim për reformën administrative territoriale, fillojmë në 11 dhe dalim në 6, dhe mediat kombëtare, nuk po diskutoj të tjerat të vogla, raportojnë për publikun çfarë i tha Edi Rama njërit dhe çfarë i tha Edi Rama tjetrit. Shqetësimi nuk është ky, njerëzit kanë votuar dhe duan të dinë gjëra të tjera. Njerëzit janë të shqetësuar më të drejtë, siç janë të shqetësuar për çmimin e naftës", tha Rama.

Nuk munguan as batutat tallëse për PD, nxitur nga prania e ish-deputetit demokrat Halit Valteri. Ndërsa theksoi se PS mbetet e fortë për shkak të organizimit, në kampin kundërshtar diçka e tillë nuk ekziston.

“83 mandate nuk na i fal askush. Ka vetëm një arsye të madhe pse ne i arrijmë edhe 83 mandate, sepse ne kemi parti, ata s’kanë parti. Andej kanë marrë fund partitë. Ku kanë ata? Atje janë... kjo është forcë e madhe që kemi dhe duhet ta përmirësojmë, ta freskojmë, ta motivojmë sepse kjo është forca jonë. Ja ku është edhe ai ballisti aty, Halit Valteri. Kujtonte se kishte parti, thoshte ika nga parti, ç’parti ike ti? Ike nga një hale atje dhe erdhe e gjete parti këtu, nuk i ndahet më zemra nga PS, ballist është deri në fund. Ne i mirëpresim të gjithë”, tha kryetari i PS.

Ai iu adresua edhe shqetësimit kryesor prej një muaji tashmë, çmimit të naftës, i cili me vendimin e fundit të Bordit të Transparencës është në 218 lekë/litri. Kryeministri tha se çmimi është shqetësues, por heqja e taksës së qarkullimit do të sillte pasoja në xhepin e qytetarëve.

“Ne e kemi bërë llogarinë, nëse ne e heqim taksën e qarkullimit nga çmimi i naftës, çmimi do të bjerë, por ama të gjithë ata që kanë një automjet, o të duhet të paguajnë 4-fishin e asaj që u bie sot, mesatarisht”, tha Rama.

Kryesocialisti shprehu bindjen se Tirana do të mbetet nën qeverisjen e socialistëve edhe pas zgjedhjeve vendore të vitit 2027. 

Ky ishte një prej takimeve të radhës që lidhet me organizimin e punës duke u paraprirë zgjedhjeve të vitit të ardhshëm dhe rienergjizimit të partisë.

Drejtuesja politike e Tiranës, Ogerta Manastirliu njoftoi edhe drejtuesit për 3 blloqet e njësisë nr. 7, konkretisht Etilda Gjonaj, ministri i Mjedisit Sofjan Jaupaj dhe Enkelejd Musabelliu, zv/ministri i Ekonomisë.

Rendit zhvillimet sipas orarit:
Ora 20:27
'PD parti si h*le', Bardhi reagon ndaj deklaratës së Ramës: Nuk është gjuhë politike, është urrejtje

1773322164_gazmentbardhi.jpg

Kreu i grupit parlamentar demokrat Gazment Bardhi me një postim në rrjetet sociale i është përgjigjur deklaratave të Ramës, i cili tha sot në Asamblenë e Zgjeruar të PS-së në njësinë 7, se PD është një “hale” dhe jo parti.

Postimi i Gazment Bardhit:

Një përgjigje e detyruar për Kryeministrin e m*utit

Mbi 500 mijë votues nuk janë “hale”. Janë qytetarë që e dinë se në krye të qeverisë është dikush që i vjedh çdo ditë.

Kjo e Edi Ramës nuk është gjuhë politike, është urrejtje, për të cilën kam vetëm neveri.

Por për dikë që e ka kokën në m*t nga korrupsioni dhe po qelb Shqipërinë, gjithçka dhe kushdo i duket hale. Turp!

K.M/Shqiptarja.com

Ora 17:08
‘Ai ballisti aty iku nga një h*le, tani s’i ndahet zemra nga PS’, Rama hedh batuta kundrejt ish-demokratit

 

Në fund të takimit në njësinë 7, kryeministri Rama theksoi se organizimi i partisë duhet të forcohet në mënyrë të qëndrueshme. Ai tha se s’mund të nënvlerësohen 83 mandate të cilat vijnë si rezultat i rifreskimit dhe forcimit të partisë. Në këtë pikë, s’mungoi as një koment kundrejt ish-deputetit demokrat Halit Valterit, i cili u është bashkuar socialistëve dhe ishte i pranishëm në takim.

“Nuk duhet nënvlerësuar asgjë. 83 mandate nuk na i fal askush. Ka vetëm një arsye të madhe pse ne i arrijmë edhe 83 mandate, sepse ne kemi parti, ata s’kanë parti. Andej kanë marrë fund partitë. Ku kanë ata? Atje janë... kjo është forcë e madhe që kemi dhe duhet ta përmirësojmë, ta freskojmë, ta motivojmë sepse kjo është forca jonë. Ja ku është edhe ai ballisti aty, Halit Valteri. Kujtonte se kishte parti, thoshte ika nga parti, ç’parti ike ti? Ike nga një hale atje dhe erdhe e gjete parti këtu, nuk i ndahet më zemra nga PS, ballist është deri në fund. Ne i mirëpresim të gjithë”, tha Rama.

P.J/Shqiptarja.com

Ora 16:42
‘Çmimi i naftës, shqetësues’, Rama: Nëse heqim taksën e qarkullimit, paguani 4-fish!

 

Lidhur me çmimin e naftës që është edhe shqetësim kryesor për qytetarët e jo vetëm, kryeministri tha se çmimi është rritur kudo. Ai tha se është marrë parasysh heqja e taksës së qarkullimit, por kjo do të sillte pagesë të katërfishtë nga qytetarët.

“Ne e kemi bërë llogarinë, nëse ne e heqim taksën e qarkullimit nga çmimi i naftës, çmimi do të bjerë, por ama të gjithë ata që kanë një automjet, o të duhet të paguajnë 4-fishin e asaj që u bie sot, mesatarisht. Në vend që ti ngarkojmë me 4-fishin të gjithë, ne e kemi menduar që më mirë, kush shpenzon më shumë naftë, paguan më shumë. Në njëfarë mënyre, ata që djegin më shumë karburant, janë më ndotës”, tha Rama.

P.J/Shqiptarja.com