Asfaltohet rruga e Elbasanit, Veliaj: Pas mega-kolektorit nëntokësor, edhe një rrugë fringo e re (Foto)

Rruga e “Elbasanit” tashmë ka kaluar në një standard të ri. Me përfundimin e rrjetit të ri të kanalizimeve, është bërë edhe asfaltimi i gjithë rrugës. Përmes një postimi në rrjetin social “Facebook”, kreu i Bashkisë së Tiranës, Erion Veliaj thotë se punonjësit e Mirëmbajtjes së Rrugëve kanë punuar edhe gjatë orëve të natës për të realizuar në kohë projektin.

“E qanë çunat brenda natës “Rrugën e Elbasanit”.

Pas mega-kolektorit nëntokësor që zgjidhi një herë shkarkimet nga Sauku deri në Lanë, tani dhe një rrugë fringo e re. Ecim para! ”, shkruan kryebashkiaku Veliaj, teksa publikon edhe disa foto nga realizimi i punimeve në terren.

Falë investimit të Bashkisë së Tiranës, kjo rrugë tashmë do të ketë një cilësi më lartë për përdoruesit e saj, që i shtohet investimit të rëndësishëm në rrjetin e kanalizimeve, i cili u realizua me materiale bashkëkohore, çka sipas tyre rrit cilësinë e furnizimit me ujë dhe eliminon humbjet në rrjet.

Punimet në infrastrukturë jo vetëm që lehtësojnë lëvizjen e qytetarëve, mjeteve dhe mallrave, por i japin një vlerë tjetër pronës. Ndërkohë që ndërhyrjet do të vijojnë edhe në rrugë të tjera të Tiranës, për ta bërë sa me komode lëvizjen e këmbësorëve.

G.D./Shqiptarja.com
  • Sondazhi i ditës:

    Tërmeti i 26 Nëntorit, a keni besim se përgjegjësit do të ndëshkohen?

Komento

Komente

  • Vladimir: 11/11/2019 15:24

    “Bravo çuna” thuhet kur te kete mbaruar puna edhe me trotuaret .....

    Përgjigju
  • GANGO: 09/11/2019 10:24

    Ke te drejte VEZHGUES per pusetat e kullimit te ujit ne anesore te rruges,por une habitem qe nga 91 rruget qe shtrohen per pusetat e mbyllura ne mes te korsise kaq te veshtire e kane keta te bashkise apo projektuesit qe ti llogarisin qe kur te hidhet asfalti te dalin rrafsh se kur kalojme me makina duket sikur kalon ne MALIN ME GROPA,dhe cfar ndodh te gjithe shoferat spostohen sa majtas djathtas duke qene nje burim aksidenti.Po te shikosh ne rruget e Evropes nuk ke nevoje te besh ZIK-ZAG.

    Përgjigju
  • Vezhguesi: 09/11/2019 02:33

    DAKORT QE SHTROHEN RRUGET POR ATO DUHET DUHET TE KENE NJE KURRIZ QE TE KULLOJE UJI DHE PUSETAT TE JENE 5 CM POSHTE NIVELIT TE ASFALTIT SI HINKE PER TE KULLUAR UJI KJO E RUAN RRUGEN,,E KE BERE KETE TI ERION,, ME DUKET JO,,RRUGEN E DURRESIT E KANE BERE ITALIANET MERRNI SHEMBULL NGA KJO RRUGE....

    Përgjigju