ASHMDF: Të mbrohen dhe të
respektohen të drejtat e fëmijëve
Me rastin 1 Qershorit, tradicionalisht e festuar në Shqipëri si Dita e Fëmijëve, Agjencia Shtëtërore për Mbrojtjen e të Drejtave të Fëmijëve, UNICEF si dhe oranizatat Terre des Hommes, Save the Children dhe World Vision duan t’i urojnë të gjithë fëmijëve të Shqipërisë ‘Gëzuar 1 Qershorin, ditën e Fëmijëve’, dhe të kujtojnë të gjithë ata që kanë përgjegjësinë në mbrojtjen e fëmijërisë, se të drejtat e të gjithë fëmijëve pa dallim duhet të mbrohen dhe të promovohen.
TIRANË - Me rastin 1 Qershorit, tradicionalisht e festuar në Shqipëri si Dita e Fëmijëve, Agjencia Shtëtërore për Mbrojtjen e të Drejtave të Fëmijëve, UNICEF si dhe oranizatat Terre des Hommes, Save the Children dhe World Vision duan t’i urojnë të gjithë fëmijëve të Shqipërisë ‘Gëzuar 1 Qershorin, ditën e Fëmijëve’, dhe të kujtojnë të gjithë ata që kanë përgjegjësinë në mbrojtjen e fëmijërisë, se të drejtat e të gjithë fëmijëve pa dallim duhet të mbrohen dhe të promovohen.
Origjina e kësaj dite (e lidhur me shpalljen e Ditës Ndërkombëtare për Mbrojtjen e Fëmijëve në 1950) na kujton se fëmijët kanë të drejtë të mbrohen nga të gjitha format e dhunës, abuzimit, shfrytëzimit apo neglizhimit. Kjo e drejtë është një nga shtyllat kryesore të Konventës së të Drejtave të Fëmijëve të Kombeve të Bashkuara, por është gjithashtu e shprehur në Kushtetutën si dhe në legjislacionin shqiptar.
Që kjo e drejtë e fëmijëve të realizohet, shumë më tepër duhet bërë në të gjitha nivelet e qeverisjes, por veçanërisht në nivel vendor nëpërmjet bashkëpunimit efektiv të të gjithë aktorëve të përfshirë në punën për mbrojtjen e fëmijëve nga të gjitha format e dhunës.
Njësitë e reja vendore që do të krijohen pas 21 qershorit do të mbajnë një peshë të rëndësishme dhe do të luajnë një rol kyç në këtë drejtim, me ngritjen dhe fuqizimin e Njësive për Mbrojtjen e Fëmijëve, si dhe duke siguruar shërbime shoqërore cilësore që fuqizojnë familjet në nevojë dhe mbrojnë fëmijët.
Ngritja e Njësive për Mbrojtjen e Fëmijëve është një detyrim ligjor i pushtetit vendor i sanksionuar në Ligjin 10347, datë 4.11.2010 “Për mbrojtjen e të drejtave të fëmijëve”. Përgjegjësitë e këtyre njësive, por edhe detyrimet e aktorëve lokalë në sektorët socialë, arsimorë, shëndetësorë dhe ligjzbatues janë përcaktuar tashmë qartë nëpërmjet Udhëzimit 4-Ministror nr.10, datë 25.02.2015 “Për mënyrën, format e bashkëpunimit dhe procedurat e ndërhyrjes në ndihmë të fëmijëve në rrezik”, i miratuar nga Ministria e Mirëqenies Sociale dhe Rinisë, Ministria e Shëndetësisë, Ministria e Arsimit dhe Sportit dhe Ministria e Punëve të Brendshme.
Agjencia Shtëtërore për Mbrojtjen e të Drejtave të Fëmijëve, UNICEF, Terre des Hommes, Save the Children dhe World Vision në ditën e 1 Qershorit gjejnë rastin t’u bëjnë thirrje të gjithë kandidatëve për zgjedhjet lokale që të tregojnë publikisht angazhimin e tyre për fëmijët si dhe t’i kushtojnë rëndësi dhe të trajtojnë me prioritet çështjet e mbrojtjes së fëmijëve. Agjencia Shtëtërore për Mbrojtjen e të Drejtave të Fëmijëve, UNICEF, Terre des Hommes, Save the Children dhe World Vision qëndrojnë të gatshme të mbështesin njësitë vendore në përmbushjen e detyrimeve të tyre, por njëkohësisht do të monitorojnë punën e administratave të reja lokale në këtë drejtim.
Redaksia Online
(a.h/shqiptarja.com)
Sondazhi i ditës:
A justifikohen aktet e dhunes gjatë një proteste politike?
-
Po
26.7%
-
Jo
62.7%
-
Nuk e di
10.6%
Vota total: 303
Votat totale janë unike
Lajme të tjera
-
S'deklaroi apartamentin në bregdet, GJKKO dënon me 2 vite shërbim prove ish-kryebashkiakun e Lushnjës, Fatos Tushe! SPAK kërkoi 17 muaj burg
9 Tetor, 09:43
-
Viti i ri akademik, Erisa Xhixho: Braktisja e universiteteve këmbanë alarmi, degët e mësuesisë në rrezik mbyllje
9 Tetor, 09:38
-
Basketboll/ Flamurtari për femra dhe Besëlidhja për meshkuj kampion të Superkupës! Për lezhjanët historike
9 Tetor, 09:34
-
Sa i rrezikshëm është për Harris largimi i amerikanolatinëve?
9 Tetor, 09:25
-
E rëndë në Itali/ Shqiptari mbyt gruan në sy të 2 fëmijëve të mitur 4 e 6 vjeç, arrestohet
9 Tetor, 09:09
-
Bashkia e Tiranës dhe Kadastra marrëveshje bashkëpunimi për legalizimin e ndërtimeve pa leje! Miratohet në Këshillin Bashkiak pa votat e opozitës
9 Tetor, 08:52
-
Erdogan nesër në Tiranë, inauguron xhaminë e Namazgjasë! Myftinia e Tiranës: Do e drejtojë imami Gazment Teqja! Mungon Spahiu i KMSH
9 Tetor, 08:35
-
Uzuni humbet sfidat me Çekinë dhe Gjeorgjinë për shkak dëmtimi, ftohet në Kombëtare sulmuesi Indrit Tuci! I dëmtuar edhe Asllani
9 Tetor, 08:32
-
SHBA/ Uragani Milton pritet të godas Floridën, banorët evakuuohen nga banesat
9 Tetor, 08:27
-
Risi në Kombëtare, Sylvinho piketon mesfushorin që luan në Danimarkë! Konkurrencë për Asllanin dhe Ramadanin
9 Tetor, 08:10
-
Mark Rutte: NATO do të bëjë më shumë për të ndihmuar Ukrainën kundër agresionit rus
9 Tetor, 08:05
-
Hezbollahu intensifikon sulmet me raketa ndaj Izraelit
9 Tetor, 07:51