Asnjë futbollist nga Superliga në Kombëtare, Sylvinho tregon 4 emrat që i pëlqejnë: Do kenë shansin, i kemi ndjekur

Në konferencën për mediet, para ndeshjeve kundër Çekisë dhe Polonisë të vlefshme për kualifikueset e Euro 2024, trajneri i Kombëtares, Sylvinho ka treguar edhe katër emrat nga Superliga shqiptare që janë në vëmendjen e stafit të tij.

Andi Hadroj dhe Arinaldo Rrapaj të Partizanit, Alen Sherri i Egnatias apo edhe Redi Kasa që dy ditë më parë la rrogozhinasit dhe firmosi në Slloveni për Olimpijan e Ljubjanës, janë cekur nga trajneri.

"Kemi parë me stafin Partizanin, Tiranën dhe Egnatian në Europë. Ka lojtarë të mirë në ligën lokale. Nuk kemi bërë publike listën me 51 emrat që janë në pritje. Di që për mua nuk ka lojtarë që janë në listë ose jashtë. Nuk është kjo diferenca. Për shembull, Hadroj ishte dy herë me ne dhe është përmirësuar, është i fortë dhe do ketë mundësinë. Rrapaj, Sherri, Kasa, janë lojtarë të mirë. Momenti nuk është i duhuri, por kanë kohë për të ardhmen. Krahasimi me lojtarët vendas dhe të huaj nuk vlen, duhen lojtarët më të mirë të mundshëm për momentin", tha trajneri i Kombëtares.

LEXO EDHE:
Disiplina dënon Gjicin e Kukësit, gjobiten tre klube të Superligës! Pezullime masive në futbollin shqiptar

Lajmi kryesor:

'Nëse nuk fitojmë, le të mos humbasim', Sylvinho para Çekisë: Ja pse nuk e ftova Abrashin, llogaritë i bëjmë në nëntor! Daku dhe Muja luajnë

S.DH/Shqiptarja.com

TAG:
• euro 2024
• sylvinho
• fshf
• Kombetarja shqiptare