Asnjë humbje jete në 24 orët e fundit, regjistrohen 11 raste të reja me COVID-19          

Foto ilustruese

TIRANË- Asnjë humbje jete nga COVID-19 nuk është regjistruar në 24 orët e fundit në vendin tonë. Ministria e Shëndetësisë bën me dije se si rezultat i 3439 testimeve kanë rezultuar pozitivë 18 qytetarë. Krahasuar me ditën e djeshme kemi një ulje të rasteve poztive, pasi dje janë regjistruar 21 raste.

Rastet pozitive janë identifikuar në këto Bashki: Nga 2 raste në Tiranë, Korçë, Elbasan dhe nga 1 rast në Has, Kavajë, Vlorë, Kamëz, Peqin.

Aktualisht në spitalin COVID-1 po marrin trajtim vetëm 6 pacientë. Në mbledhjen e sotme të Komitetit Teknik të Ekspertëve, mjeku Dhimitër Kraja bëri me dije se këta pacientë i përkasin moshës mbi 65 vjeç e ndërsa theksoi se janë të pavaksinuar dhe nuk e kishin kaluar më parë koronavirusin.

Në të gjithë vendin janë 160 pacientë aktivë, ndërsa në 24 orët e fundit janë shëruar 7 qytetarë, duke e çuar numrin e të shëruarve në 130.081 që nga fillimi i pandemisë në vendin tonë. Numri total i personave të infektuar në vend ka shkuar në 132.697, ndërsa ai i viktimave 2.456.

Ministria e Shëndetësisë dhe Mbrojtjes Sociale ju bën apel qytetarëve, që të vijojnë të zbatojnë me përpikmëri rregullat për parandalimin e COVID19 dhe të mos neglizhojnë asnjë shenjë të sëmundjes.

Statistika (19 Korrik 2021)

Raste të reja ditore      11

Të shëruar në 24 orë     7

Të shtruar në spitale      6

Humbje jete në 24 orë   0

Testime ditore                3439

Testime totale             859,432

Raste pozitive             132,697

Raste të shëruara        130,081

Raste Aktive                     160

Humbje jete                   2,456

Shpërndarja gjeografike e rasteve aktive sipas qarqeve:

Tiranë              65

Vlorë                17

Elbasan            17

Fier                  14

Durrës              13

Shkodër            12

Lezhë                10

Korçë                6

Kukës                5

Gjirokastër        1

SI.E./Shqiptarja.com
  • Sondazhi i ditës:

    A mund ta bëjë SPAK vettingun e politikanëve?

Komento


×

Lajmi i fundit

John

Nga marrja e dozës së tretë tek vaksinimi i fëmijëve +16 vjeç, vendimet që pritet të marrë sot komitetit Teknik i Ekspertëve