Aspirina dhe kanceri, ja studimi
që do të tregojë lidhjen mes tyre

Një studim në Britaninë e Madhe i cili do të përfshijë rreth 11 mijë persona pritet të nxjerrë në pah efektet e aspirinës tek pacientët e sëmurë me kancer. Përdorimi i aspirinës ndihmon njerëzit e prekur nga llojet e ndryshme të kancerit të ulin dhimbjet, e nëse e përdor përpara mund të parandalosh llojet e tumoreve të ndryshme.  

Studime të ndryshme kanë dalë në këtë përfundim, por në Britaninë e Madhe ka nisur një studim për të parë efektin e aspirinës tek personat me kancer. Në studim do të përfshihen rreth 11 mijë njerëz që janë prekur nga kanceri i gjirit, prostatës, ezofagut etj.

Shumë mjekë japin mendime të ndryshme sa i përket efektit të aspirinës, e për këtë jo vetëm në Britani por edhe në vende të tjera është hapur një debat.
Nëse kjo provohet, që aspirina ka një ndikim pozitiv tek të prekurit me kancer, atëhere mjekët thonë se kjo do të jetë një mënyrë efektive për të ndihmuar pacientët të mbijetojnë dhe me një kosto të lirë.

Studiuesit do të krahasojnë grupet e pacientëve që marrin doza të ndryshme të aspirinës me njerëz që marrin qetësuese të tjerë, të rekomanduar sipas sëmundes së tyre. Ky studim do të përfshijë rreth 100 qëndra shëndetësore e do të zgjasë për 12 vjet.


Redaksia Online
(u.s/shqiptarja.com)