“Një njeri i realizuar i kupton të tjerët që i njohin gjërat "me të dëgjuar" e që nuk kanë eksperiencë të drejtëpërdrejtë. Intelektualisht duken bindës, por me fakte nuk bëjnë gjë tjetër veçse tregojnë skllavërinë e tyre...”. Kjo fjali në librin “Dija e përjetshme e Sri Nisargadatta Maharaj” nga Robert Powell, duket një përkufizim që bie si qershia mbi tortë në përcaktimin e realitetit tonë.
U bënë kaq e kaq vite tashmë që analistë, aktivistë, politikanë të apasionuar për t’u dukur ndryshe nga ç’janë, përnatë përpiqen të bindin shqiptarët me teoritë e tyre dhe zhvillime ngjarjesh që, për momentin, janë edhe më tërheqëse se filma të shumëvlerësuar të Hollivudit, por që me kalimin e kohës shfryhen e nuk mbetet më asgjë. Aq i thellë është dëshpërimi i disave, saqë, me të konstatuar që teoritë e tyre nuk funksionojnë, nuk shkaktojnë reagimin që ata presin, mallkojnë bashkëatdhetarë dhe i akuzojnë se jo vetëm e kanë në gjak korrupsionin e hajdutërinë, por edhe se korrupsioni dhe hajdutëria është qëllimi më i lartë i shumicës, duke e servirur këtë blasfemi për të vërtetë.
Ndërkohë, realiteti shqiptar, ai konkreti dhe reali, po befason përditë këdo. Ngjarje që përfshijnë njerëz të padyshuar, të paprekshëm, të plotfuqishëm, të sistemuar, të rafinuar, të mësuar, të trajnuar, të pasuruar, po zbulojnë një rrjetë merimange gjigande thurur me ar e zbukuruar me diamantë që pakkush e kishte imagjinuar e sidomos, pakkush e ka treguar deri më sot.
Duke iu kthyer fjalisë së fillimit të librit të Powell, të realizuarit janë kush “imponohet” si lider, si politikan, si elitë duke servirur realitete “me të dëgjuar”, apo shqiptarët që përjetojnë në vetë të parë, ne mes të rrugës, në shtëpitë e tyre jetën si po shkon dhe si do të shkojë?
Duket si një kontradiktë e pazgjidhur, por në të vërtetë “problemi” është i zgjidhur që në rrënjë. Njerëzit në kontakt me të vërtetën nuk kanë nevojë as për histori, as për scoop-e, as për bomba mediatike për të kuptuar se çfarë ndodh. Ndryshe nga sa na është thënë, lajmi më parë kalon pikërisht mes tyre.
Nëse njihni mes jush shqiptarë “të realizuar”, mos i lëshoni kollaj. Dhe sigurisht, asnjë prej të realizuarve, nuk del mbrëmjeve në televizor.
Lajme të tjera
-
Dezinformimi/ Zake: Ka pronarë që ndikojnë në media e portale, shmangin dhe taksat! Koçi: Kemi referuar edhe raste të mediave! Braçe: Ulni fluksin e parasë informale në media
23 Tetor, 14:37 -
Mark Marku në krye të dialogut të qeverisë me median: E pranova se ma kërkoi BE! Procesi do jetë i vështirë, pas një viti çojmë pr.ligjin në parlament
23 Tetor, 10:46 -
Gazetarët investigativë nga Shqipëria dhe Maqedonia po hetojnë së bashku për herë të parë krimin ndërkufitar dhe korrupsionin
9 Tetor, 12:02 -
Andi Bushati mbrojti Berishën që dikur e akuzonte si ‘puçist’, Anila Hoxha i replikon me ironi: Ne, banda e gazetarëve snajperistë të SPAK-ut!
20 Shtator, 18:01 -
Carlo Bollino ironizon familjen Berisha: Përpara më etiketonin si ''fashisto-komunist'', tani jam ''peng'' por njëkohësisht edhe ''anëtar'' i SPAK!! Ata janë komplet në panik, i mirëkuptoj
20 Shtator, 12:27
-
Carlo Bollino: Berisha nuk meriton të fitojë zgjedhje jo vetëm se është i korruptuar, por mbi të gjitha se ka mbetur një diktator!
19 Shtator, 16:56
-
Shoqatat e medias dënojnë sulmet e Berishës ndaj gazetarëve: Intimidim dhe shantazh, e papranueshme
19 Shtator, 12:10 -
Lufta, ndryshimet klimatike dhe emigracioni, në FOTO! Shkrepjet nga gjithë globi, në sheshin “Skënderbej”
11 Shtator, 16:22
-
Një parashikim për vitin e ri politik
20 Gusht, 08:04
-
Carlo Bollino: Mbyllja e “Gazetës Shqiptare”, pak hipokrizi, por shumë histori e vlera ikin me të
1 Gusht, 20:01
-
Kosovë, miratohet projektligji për Komisionin e Pavarur të Mediave mes kundërshtimesh të ashpra
11 Korrik, 17:26 -
Sulmet ndaj medias dhe deligjitimi si 'kazan' Rama: Më ka ngelur njollë! E di që është problem, jam përpjekur të korrigjohem
20 Prill, 09:38
