GOLAT/ 'Krisma' në Paris, Barcelona mposht 2-3 PSG-në në çerekfinalet e Champions League! Atletico fiton 2-1 ndaj Dortmundit

GOLAT/ 'Krisma' në Paris, Barcelona mposht 2-3 PSG-në në çerekfinalet e Champions League! Atletico fiton 2-1 ndaj Dortmundit

Moment nga ndeshjet e sotme

Champions League zhvilloi këtë të mërkurë dy ndeshjet e mbetura në raundin e parë çerekfinal. Në Madrid, Atletico fitoi 2-1 kundër Dortmundit, teksa në Paris vendasit e PSG-së u mposhtën 2-3 nga Barcelona. Ndeshjet e kthimit për të mësuar dy skuadrat që do kalojnë në gjysmëfinale zhvillohen më 16 prill.

Atletico Madrid 2-1 Dortmund/ Djemtë e Diego Simeones hedhin një hap të rëndësishëm në rrugën drejt kalimit të fazës çerekfinale, teksa përfituan nga gabimet e gjermanëve për të fituar 2-1 në "Metropolitano". De Paul në minutën e katërt dhe Lino në të 32' shënuan për vendasit. Gjermanët nuk u pajtuan me këtë rezultat dhe shkurtuan me Haller në të 81 minutë, gol me peshë ky në ndeshjen e kthimit në "Iduna Park".

PSG 2-3 Barcelona/ Dramë dhe emocione në "Parkun e Princave". Vendasit e Luis Enriques humbën 2-3 ndaj Barcelonës, në duelin me përmbysje dhe ripërmbysje. Raphinha shënoi pas 37 minutave lojë për katalanasit, për ta mbyllur në epërsi pjesën e parë.

Me fillimin e fraksionit të dytë PSG gjeti avantazhin me golat e Dembele dhe Vitinha në minutat 48-të dhe 51. Barcelona më pas u zgjua dhe gjeti barazimin sërish me Raphinhan në të 62 minutë. Braziliani gjeti dy golat e parë në karrierë në Champions League, teksa Christensen i futur dy minuta më parë shënoi golin e tretë për Barçën në të 77 minutë. Kështu, nxënësi Xavi mposhti mësuesin Luis Enrique. Gjithçka për kalimin më tej do vendoset më 16 prill.

Champions League - faza çerekfinale, ndeshjet e para:

E martë, 09 prill 2024

VIDEO/ Arsenal 2-2 Bayern Munich

VIDEO/ Real Madrid 3-3 Manchester City

E mërkurë, 10 prill 2024

VIDEO/ Atletico Madrid 2-1 Dortmund

VIDEO/ PSG 2-3 Barcelona

*Ndeshjet e kthimit luhen më 16 dhe 17 prill 2024

Rendit zhvillimet sipas orarit:
Ora 20:37
FOTO/ Atletico e pret Dortmundin 'me flakë' në Madrid


Atletico Madrid - Dortmund, kjo është sfida çerekfinale e Champions League e cila luhet sot në 21:00. Në kryeqytetin spanjoll, tifozët vendas i kanë ofruar një pritje të ngrohtë skuadrës. Tifozë të shumtë u vendosën jashtë "Metropolitanos" ku nuk munguan flakadanët dhe tymueset. Nuk raportohet për të lënduar, me tifozët që kanë brohoritur për ekipin e tyre.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po jep rezultate lufta e SPAK ndaj grupeve kriminale?



×

Lajmi i fundit

Dhërmi/ Pronari i hotelit  dhe 2 punonjësit bien në kontakt me energjinë elektrike, dërgohen në spital

Dhërmi/ Pronari i hotelit dhe 2 punonjësit bien në kontakt me energjinë elektrike, dërgohen në spital