POP 5

Lajmet më të lexuara të 5 minutave të fundit

Sport

Atletico Madrid marshon frikshëm drejt titullit, M.United eliminon Liverpool-in nga FA Cup (VIDEO-Golat)

Atletico Madrid në La Liga vijon të marshojë frikshëm në luftën për titull, duke lënë pas Realin dhe Barcelonën. Ndërkohë në Angli Manchester United ka eliminuar Liverpulin nga Efej Kap në një ndeshje spektakolare.

Atletico Madrid e ‘Çolo’ Simeones nuk po njeh rival këtë sezon në La Liga. El Colchoneros kanë marrë fitoren e 7 radhazi në La Liga, pasi kanë mposhtur me shifrat 3-1 Valencia-n, për llogari të javës së 20 të kampionatit.

Në 'Wanda Metropolitano’ të parët kaluan në avantazh miqtë me një gol të magjishëm nga Raçiç, por që do të zhvlerësohej pa u mbyllur pjesa e parë nga Felix. Më tej në fraksionin e dytë të lojës Suarez dhe Correa i dhanë një tjetër fitore Atletico Madrid, e cila qëndron e qetë në krye të kampionatit. Aktualisht ‘madrilenët e vegjël’ kanë 47 pikë, 7 më shumë se Reali, që ka një ndeshje më shumë.

Sakaq në vendin e tretë vjen Barcelona, që të dielën fitoi pastër 0-2 kundër Elche-s.

Ndërkohë në ishullin britanik Manchester United ka treguar muskujt, duke eliminuar Liverpool-in nga kompeticioni më i vjetër futbollistik FA Cup. Djajtë në ‘Old Traford’ mposhtën 3-2 kampionët në fuqi të Premier League, të cilët këtë sezon po hasin jo pak vështirësi.

Superpërballjen e zhbllokoi Salah, ndërsa më pas United përmbysi me Grenëood dhe Rashford. Liverpool nuk u dorëzua dhe barazoi sërish me protagonist Salah-n, por në fund ai që vulosi eliminimin e skuadrës së Jurgen Kloop ishte Bruno Fernandes me një gol spektakolar.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Durrës/ U dëmtua nga një makineri gjatë punës, ndërron jetë 50 vjeçari (EMRI)

Durrës/ U dëmtua nga një makineri gjatë punës, ndërron jetë 50 vjeçari (EMRI)

25 Nëntor, 14:11