Hajdutët po i arratiseshin policisë! 26 vjeçari humb jetën nga aksidenti në Fushë-Krujë/ 'Audi' ishte e vjedhur në Milot, brenda gjenden maska e doreza (VIDEO)

FUSHË KRUJË- Një i ri humbi jetën mëngjesin e kësaj të mërkure, ndërsa shoku i tij mbeti i plagosur rëndë në Fushe-Krujë. Fillimisht ngjarja u raportua nga policia si aksident rrugor, por më pas provat e gjetura në vendngjarje, ngrenë dyshimet se dy të rinjtë nga Fushë-Krujë janë të implikuar në ngjarje kriminale.

Viktima është Gen Deva, 26 vjeç, i cili ishte pasagjer në mjetin tij Audi A3, ndërsa drejtuesi i mjetit Flogert Vogli është dërguar në spital spitalin e Traumës në gjendje të rëndë.

Dyshohet se dy personat janë grabitës dhe në orët e para të mëngjesit policia ka tentuar ti ndalojë në afërsi të fshatit Luz. Ata nuk i janë bindur urdhrit, ndaj policia është vënë në ndjekje të tyre. Në tentativë për tu larguar me shpejtësi, janë aksidentuar rreth orës 06:30, në aksin e vjetër Fushë Krujë-Milot në afërsi të vendin të quajtur Micjanë.

Burime bëjnë me dije se makina tip 'Audi A3' me të cilën udhëtonin Vogli dhe Deva ka qenë e vjedhur në Milot përpara disa ditësh. Makina mbante dy palë targa, njëra mbi tjetrën. Në brendësi të mjetit u gjeten doreza dhe maska që përdoren për grabitje.

Burime për Report Tv thanë se automjeti është vjedhur në Milot, para disa ditësh, kur pronari i saj e ka lënë të ndezur dhe ka hyrë në byrektore. Vogli dhe Deva kanë qenë me një mjet VW Golf kur kanë vjedhur Audin. Gjatë kontrollit të ushtruar sot në banesën e shtetasit Flogert Vogli në fshatin Borizanë është gjetur dhe sekuestruar automjeti tip Golf.

Report Tv ka mësuar gjithashtu se makina 'Audi A3 ' me targa mbante targa të vjedhura në Laç dhe Milot, njëra prej tyre AA 603 IG. Policia po vazhdon kontrollet në zonë për të parë nëse autorët kanë pasur armë apo sende të tjera të paligjshme.

Rendit zhvillimet sipas orarit:

Të Fundit Të Parat

/r.k./Shqiptarja.com

TAG:
• fushe kruje
• Aksidenti
• Flogert Vogli
• Gen Dava