Tiranë- Kryetari i Komisionit të Ligjeve, Ulsi Manja në një komunikim për shtyp komentoi audio përgjimin e publikuar një ditë më parë në media, ku ish kreu i KQZ-së, Denar Biba shfaqej në një komunikim me gjyqtarin e Strasburgut Ledio Binaku, të cilin thuhet se po e shantazhonte.
Sipas Manjës, ky është vetëm një montazh i servirur nga Partia Demokratike dhe Lulzim Basha, pasi Ledio Binaku në atë kohë s’ka pasur asgjë në dorë dhe s’mund të ndikonte në Strasburg.
“Jam shumë i impresionuar nga dalja e parë publike e Lulzim Bashës, pas pushimeve të tij të gjata dhe të merituara. Ai doli për t'i bërë jehonë një kasete edhe më qesharake se sa ajo e Babales, ku kishte të paktën një skenar! Qesharak qesharak, po skenar ishte ama. Ndërsa kjo e djeshmja, ishte prova më e sigurtë e asaj që thuhet prej kohësh në popull: Kur mendon se opozita e preku fundin, s'ke parë vertetë gjë akoma! Dy miq, Denar Biba dhe Ledio Bianku, flasin me njëri-tjetrin në kafe në vitin 2014 dhe na del një përgjim me fjali të shkëputura e të lidhura për shtatë palë qejfe, prej x sekondash, ku u bëka fjalë për një shantazh të narkoshtetit ndaj Gjykatës së Strasburgut! Hajde shantazh hajde! Dhe i shantazhuari, Ledio Bianku, miku i Denar Bibës, që s'ka asgjë në dorë në Strasburg për gjithë sa flitet dhe kjo është lehtësisht e verifikueshme, paska heshtur katër vjet!”
Deputeti i PS, Ulsi Manja
Në lidhje me çështjen e pronave, Manja thotë se e gjithë fatura e katrahurës së ngritur i takon opozitës.
Denar Biba, shantazhuesi, miku i Ledio Biankut, u zbulua nga Lulzim Basha pas katër vjetësh, si i dërguari i qeverisë për shantazh ndërkohë që ai ka qenë i zbuluar që ditën e parë si anëtar i delegacionit shqiptar në Strasburg ! Zbulime të tilla vetëm Lulzimi di të bëjë ! Po pse shkoi ky delegacion në Strasburg ?Në fakt opozita e sotme, dje në pushtet, e di shumë mirë çështjen e pronave dhe detyrimet që duhet të përmbushte Qeveria shqiptare nga viti 2012 deri në qershor të vitit 2014 sipas vendimit pilot të Gjykatës së Strasburgut! Por deri në shtator të vitit 2013 kur dorëzoi pushtetin, qeveria e PD nuk bëri asnjë hap për të adresuar ligjërisht rekomandimet e Gjykatës së Strasburgut duke i ngarkuar shtetit shqiptar një faturë financiare të papërballueshme. PD ende s'ka dhënë llogari për katrahurën që ka bërë me pronat në Shqipëri gjatë gjithë viteve të qeverisjeve të saj dhe gjen guximin e kërkon llogari për një bisede kafeneje mes dy personave. Këtu s'behet fjalë për pronat e njërit apo të tjetrit, por për një problem shtetëror dhe për interesin publik, që është trajtuar në mënyrë institucionale nga Qeveria shqiptare me Gjykatën e të Drejtave të Njeriut në Strasburg që në vitin 2014, për t'i vënë fre hemoragjisë së tmerrshme financiare shkaktuar nga Partia Demokratike. Pra delegacioni shqiptar shkoi në 2014 në Strasburg për një ligj të Kuvendit të Shqipërisë në lidhje me trajtimin e çështjes së pronave dhe që më pas u miratua në vitin 2015! Atëherë ç'na qenka ky shantazh që do bënte Denar Biba në Strasburg, kur tema e punës së atij delegacioni dhe e vetë bisedes mes dy miqve në kafe, ishte ligji i miratuar në Kuvend, që si çdo ligj mbi pronën merret në shqyrtim në një strukturë të caktuar brenda Gjykatës së Strasburgut ! Realisht Lulzim Basha nuk ka faj. Ai vazhdon të bëjë atë që di të bëjë më mirë, të zhytet thellë e më thellë në ujin e ndenjur ku e ka mbytur opozitën. Po si ka mundësi që ky njeri të merret akoma seriozisht me këto zbulimet e tij, që rrezikojnë të na bëjnë qesharake të gjithëve kur mundohemi t'i shpjegojmë opinionit publik! Po s’ke çfarë bën, ky taksirat na ka zënë ne si maxhorancë qysh ditën kur Lulzim Basha në krye të opozitës mori si zanat të ri atë të specialistit të audio-përgjimeve!
Deputeti i PS, Ulsi Manja
Komente
Lajme të tjera
-
Celibashi takohet me VanHorn, e informon për përpjekjet e KQZ para zgjedhjeve parlamentare! E Ngarkuara me Punë shpreh mbështetjen e SHBA për zgjedhje të drejta
13 Dhjetor, 13:37 -
Zgjedhjet 2025, ambasadori i OSBE: Thelbësore, liria e zgjedhjes pa frikë! Hetoni presionet dhe shkeljet e fshehtësisë së votës! Celibashi: Partitë të pranojnë problemin
11 Dhjetor, 11:00 -
Numërimi i votave, Celibashi: S’është koha që partitë të ikin! PD kundër numëruesve që vijnë nga administrata: Katastrofale
10 Dhjetor, 15:29
-
Zgjedhjet 2025/ Komisioni i Venecias: Punoni të jenë të lira, OSBE: Depolitizoni administratën zgjedhore! Celibashi: Do të sillte mosnjohje rezultati
10 Dhjetor, 10:23 -
Shqipëri, shqetësim transparenca e financimit në zgjedhje
9 Dhjetor, 20:38 -
Vota e diasporës në zgjedhjet 2025, regjistrimi nga 11 janari -11 mars! Aplikacioni i KQZ drejt përfundimit, ja dokumentet që duhen! Kujdes adresën
9 Dhjetor, 16:52
-
Numërimi elektronik, KQZ auditon procesin e zgjedhjeve 2023 për bashkitë Vorë, Elbasan dhe Kamzë: Regjistrim i të gjitha votave me saktësi
9 Dhjetor, 13:07 -
'Vota e diasporës të numërohet nga KQZ', Celibashi: Partitë vetëm të vëzhgojnë! Debate te Rregullatori, shtyhet vendimi
7 Dhjetor, 11:30
-
Eduard Zaloshnja: 48.1% e shtetasve shqiptarë nuk banojnë në Shqipëri
6 Dhjetor, 15:48
-
Qeveri teknike? Gjiknuri në Report Tv: S’ është në agjendën tonë! PS në gjendje të fitojë e vetme zgjedhjet 2025! Të avantazhuar përballë opozitës së përçarë
5 Dhjetor, 19:14 -
KAS refuzon propozimet e Celibashit, gjoba vetëm për Pjerin Ndreun dhe disa parti të vogla
5 Dhjetor, 15:20 -
Çupi: Po kaloni ligjin e të dhënave personale për të gjobitur bizneset! Manja: Ngritët shoqata anonime biznesi për të bllokuar ligjin që kërkon BE! Qëllimi juaj sabotimi i integrimit, punoni si qyqe
5 Dhjetor, 12:40
I zoti doli ky Lul mafishja..Edhe dedektivin 007 po e ben mire...nga shalngjitur eshte kthyer ne shale hapur...e po shkon drejt shale shqyer.
Përgjigju