POP 5

Lajmet më të lexuara të 5 minutave të fundit

Kronikë

Audioja për 21 Janarin/ Rajmonda Nika betejë me SPAK për hetimin e Berishës për vrasjen e bashkëshortit! Çështja në Apel: Ndrea Prendi u rrah në kryeministri

Bashkëshortja e Aleks Nikës që u vra në protestën e 21 Janarit 2011 kërkon nga SPAK-u hetimin e Berishës, Bashës dhe Ndrea Prendit si grupi që kreu krimin. Altin Dumani dhe gjyqtarja e Elsa Ulliri çojnë kallëzimin për kompetencë në Prokurorinë e Tiranës, vendimi ankimohet në Gjykatë e Posaçme të Apelit.

Audioja për 21 Janarin/ Rajmonda Nika betejë me SPAK për hetimin e Berishës për vrasjen e bashkëshortit! Çështja në Apel: Ndrea Prendi u rrah në kryeministri

Sali berisha dhe trazirat më 21 janar

Në shkurt të këtij viti, Rajmonda Nika i ka kërkuar SPAK-ut ndjekjen penale të ish kryeministrit Sali Berisha, ish ministrit të Brendshëm Lulzim Basha si dhe të ish komandantit të Gardës së Republikës Ndrea Prendi për vrasjen, sipas saj, të bashkëshortit të saj, Aleks Nika, në protestën e 21 Janarit 2011, gjatë të cilës u ekzekutuan nga garda edhe Ziber Veizi, Hekuran Deda dhe Faik Myrtajt, ndërsa u plagosën edhe 6 protestues të tjerë, që të gjithë të pafajshëm dhe protestues paqësorë.

Kallëzimi penal erdhi pas publikimit të një audioje, ku pretendohet se komandanti i Gardës Ndrea Prendi, në 21 Janar 2021, porosit vartësit për të hapur zjarr mbi protestuesit. Kujtojmë që në 25 janar 2023, dy ditë pas publikimit të audios, PS dorëzoi kallëzim në SPAK për ish-kryeministrin Sali Berisha, ish-ministrin e Brendshëm, Lulzim Bashën dhe ish-komandantin e Gardës, Ndrea Prendi, për vrasje dhe shpërdorim detyre.

Në 24 shkurt 2023, kreu i SPAK-ut Altin Dumani, ka shpallur mungesën e kompetencës e SPAK për shqyrtimin e kallëzimit penal të Rajmonda Nikës, duke e referuar kallëzimin për trajtim në Prokurorinë e Tiranës. Dumani arsyeton se për këtë çështje, Prokuroria e Tiranës ka rifilluar hetimet në 4 shkurt të vitit 2021, me qëllim identifikimin e autorëve të vrasjes së Aleks Nikës dhe Hekuran Dedës, si dhe plagosjen e disa shtetasve të tjerë. Dumani thekson se deri në ato momente, nga hetimet që po kryente Prokuroria e Tiranës, nuk provohet që vrasja të jetë kryer nga persona që janë kompetencë e SPAK-ut.

Vendimi i Dumanit është apeluar nga Rajmonda Nika në Gjykatën e Posaçme të Shkallës së Parë, me pretendimin se çështja duhet të hetohet nga SPAK, pasi Sali Berisha dhe Lulzim Basha, janë subjekte të SPAK-ut dhe se audioja e publikuar i implikon ata si eprorë të Ndrea Prendit. Në 29 mars 2023, gjyqtarja e Gjykatës së Posaçme të Shkallës së Parë, Elsa Ulliri, ka rrëzuar ankimin e Rajmonda Nika, duke lënë në fuqi vendimin e kreut të SPAK-ut.

Vendimi i gjyqtares Elsa Ulliri është ankimuar nga bashkëshortja e Alkes Nikës në Gjykatën e Posaçme të Apelit. Në ankimin pretendohet se Berisha, Basha, Prendi etj., duhet të hetohen si grup i strukturuar kriminal.

“Provë e rëndësishme që vërteton se urdhëruesi i këtyre vrasjeve ishte pikërisht ish kryeministri Sali Berisha, është fakti se komandanti i Gardës, pjesëtar i organizatës kriminale, pasi u thirr në zyrën e ish kryeministrit për të marrë urdhrin e ekzekutimit të disa prej protestuesve dhe bëri me të një debat të ashpër, i cili degjeneroi në ushtrimin e një dhune të rëndë fizike që ish kryeministri ushtroi mbi Komandantin e Gardës Ndrea Prendi, ky i fundit veproi menjëherë me zinxhirin e anëtarëve të tjerë të organizatës kriminale dhe me armët e zjarrit të Gardës së Republikës, bëri masakrën shtetërore, duke vrarë 4 qytetarë të këtij vendi dhe duke plagosur dhjetëra të tjerë. Përgjimi i kësaj dite, i cili për fatin e keq, nuk u morë dhe nuk u administrua prej drejtuesit të SPAK para se të dërgonte shkresën e tij Nr.K.137/1 Prot. A. Sh, datë 24.02.2023 për të shpallur moskopetencën lëndore, është një provë shumë e rëndësishme e cila e bënë kompetente vetëm SPAK për regjistrimin e këtij procedimi penal dhe hetimin e kësaj çështje”, thuhet në ankimim.

Tashmë do të jetë Gjykata e Apelit, e cila do të vendosë nëse hetimet për vrasjen e Alkes Nikës do të vijojnë nga SPAK apo nga Prokuroria e Tiranës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjergj: 20/05/2023 21:29

    "Malèsori", komandant i gardès sè Republikès, rrihet si qeni nè rrush, nè zyrèn e drejtimit tè shtetit, nga zagarèt e njè kryeministri kriminel, qè si njè tutor i dhunshèm, detyron viktimèn e radhès, tè dalè nè semafor. Njè tjetèr "malèsor", Dumani,,nuk ndihet pèrgjegjès, pèr atè qè èshtè zgjedhur dhe paguhet. Edhe kètij, i ka mbetur ndèrmènd, syri i gjakosur i Prendit, dhe dèshiron qè tè tjerè tè rrihen, ndèrsa ai vetè, tè marrè vetèm pagèn e trimit. E kuptoni qè akoma nuk bie era shtet? Kèta, nuk janè as komandantè garde dhe as prokurorè SPAK. Kèta, janè lepura.!!!

    Përgjigju
  • Italia si moter: 20/05/2023 20:51

    Eshte kjo drejtesi qe con ne hakmarje me kanun ,po si pretendoni edhe keta te spakut jane te berishes ae kuptoni ky Dumani dordomani e ka gjykuar kur ishte prokuror dhe nuk del dot kunder vendimit te dhene nga ai ,duhet te ngrihemi dhe ti nxjerim jasht nga zyrat ,vjedhjet dhe vrasjwt e salikes kame dale sheshit dhe keta spartanet e spakut kane frike ti arestojne .turp pwr drejtesine .

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindja, Presidenti e Kryeministri urojnë besimtarët katolikë! Begaj: Të reflektojmë mbi vlerat më të larta të njerëzimit

Krishtlindja, Presidenti e Kryeministri urojnë besimtarët katolikë! Begaj: Të reflektojmë mbi vlerat më të larta të njerëzimit

25 Dhjetor, 08:09