POP 5

Lajmet më të lexuara të 5 minutave të fundit

Bota

Austria kërkon sqarime nga Gjermania për përgjimet/ Presidenti Bellen: Të spiunosh shtetet mike, e papranueshme

Austria i kërkoi Gjermanisë shpjegime pas pretendimeve të tjera kundër shërbimeve sekrete gjermane, të akuzuara, sipas informacioneve të shtypit, se kishin spiunuar një numër të madh institucionesh dhe kompanish në Austri,
Austria kërkon sqarime nga Gjermania për përgjimet/ Presidenti Bellen: Të spiunosh shtetet mike, e papranueshme

Presidenti austriak Alexander Van der Bellen

Austria kërkon sqarime nga vendi fqinj Gjermania rreth njoftimeve se shërbimi gjerman i zbulimit ka përgjuar për disa vjet rreth 2 mijë entitete, ndër to edhe kompani dhe ministri austriake. Ndërsa Presidenti austriak Alexander Van der Bellenlidhur me këtë çështje tha se:

Spiunimi i vendeve mike nuk është vetëm i pazakontë dhe i padëshiruar. Është i papranueshëm. Në periudhën afatgjatë, kjo do të dëmtojë besimin e ndërsjelltë mes dy vendeve tona.

Presidenti austriak Alexander Van der Bellen

Gjermania dhe Austria janë vende anëtare të Bashkimit Evropian. Presidenti Van der Bellen dhe Kancelari austriak Sebastian Kurz reaguan pas njoftimeve në gazetën “Der Standard” dhe në revistën “Profil” për një listë objektivash të përgjimeve në Austri të kryera nga Shërbimi Federal i Zbulimit (BND), i Gjermanisë, gjatë periudhës 1999 – 2006.

Sipas këtyre njoftimeve, nën përgjim ishin të gjitha kompanitë dhe bankat kryesore të Austrisë, si dhe telefonat e kancelarisë dhe të ministrive të ndryshme në Vjenë. Kancelari Kurz përmendi dyshimet e disa viteve më parë për aktivitet zbulimi të Gjermanisë në Austri dhe sugjeroi se për këtë arsye Gjermania pati forcuar ligjet për të parandaluar aktivitete të tilla.

Ai pranoi se një hetim austriak në atë periudhë nuk nxorri konkluzione për zhvillimin e operacioneve të përgjimit, për shkak se autoritetet gjermane nuk patën bashkëpunuar, por shtoi se prokurorët do ta rishikojnë çështjen “nëse do të ketë të dhëna të reja”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu