POP 5

Lajmet më të lexuara të 5 minutave të fundit

Kronikë

EKSKLUZIVE/ Autori i vrasjes së Behar Sofisë, Ernejt Shyti dëshmon në GJKKO: Porositësit do më paguanin 500 mijë euro për një vrasje tjetër në Gjermani! Paratë do m’i jepte ‘Bajlozi’

Në dëshminë e tij disi të cuditshme në gjykatë, autori i vrasjes së Behar Sofisë në 2021, Ernejt Shyti thotë se një person me nofkën “Bajlozi” do ti jepte 500 mijë Euro për të bërë një vrasje në Gjermani.

Pasi vrau Behar Sofinë i njohur si “padron droge’, më 25 shkurt afër Piramidës në anë të Lanës, Ernejt Shyti, aktualisht në burg, do të ekzekutonte dhe një tjetër person në Gjermani. Pohimin 24 vjeçari e bëri në gjyq, ku tregoi për vrasjen e Sofisë, për të cilën iu premtuan 500 mijë euro, por që nuk i mori asnjehërë.

“Të njëjtët që më dhanë porosinë për të vrarë Behar Sofinë, të cilin e vrava, më afruan 500 mijë euro për të bërë një vrasje tjetër, jo në Tiranë, por në Gjermani”, trondit me rrefimin e tij Ernejt Shyti, i cili ka pranuar të bashkëpunojë me drejtësinë. Shytit iu afrua kjo punë, nga i njejti grup që kërkoi eleminimin e Sofisë.

“Më thanë që viktima e ka shtëpinë buzë rrugës dhe ishte një 34-vjeçar. Pagesa që do të merrja për këtë vrasje ishte e majme, jo 50 milionë lekë të vjetra që nuk i mora asnjëherë për Behar Sofinë, por 500 mijë euro. Po ashtu më thanë se paratë do t’i merrja nga “Bajlozi”, vijoi më tej në GJKKO Shyti.

“Bajlozin” pretendon se nuk e njeh dhe nuk e di kush ishte, sikurse nuk kishte informacion nëse shenjestra ishte shqiptar apo shtetas i huaj. Në pjesën tjetër të seancës gjyqësore, Shyti rrefeu edhe njëhëre, dinamikën e ngjarjes ku mbeti i vrarë Behar Sofia. Pasi mori porosinë, Shyti bashkë me Xhuliano Vishën edhe ky i arrestuar, shkuan në pyll e Krrabës, për të mësuar të qellonin me pistoletë TT. Por çuditërisht i riu e vazhdon rrëfimin, duke thënë se shtinë vetëm dy herë, dhe gëzhojat i fshehën në pyll. Më pas miku i tij Visha i dha një “iPhone” me të cilin do të fliste në aplikacionin “Sky” me një tip që quhej “Lleshi”, i cili rezulton Leonard Xhixha, të cilin disa ditë më pas e takoi personalisht tek Sanatariumi. Pas Lleshit, një burrë që e therrinsin “Daja”, Skënder Vathi dhe një djal i ri, edhe këta në burg, i vihen në ndihmë Shytit, për të ekzekutuar Sofinë, të cilin e vëzhguan 20 ditë.

Për këto ditë ekzekutori thotë se mori vetëm 90 mijë lekë të vjetra, kurse 50 milionët të cilat do ti merrte mënjeherë pas vrasje tek Liqeni i Tiranë, nuk ia dhanë kurrë. Personat që do e paguanin nuk ishin në vendin e takimit. Dy javë më vonë Ernejt Shyti u kap në Mal të Zi, pas tij u arrestuan edhe Skënder Vathi, 54 vjeç, Leonar Xhixha, 30 vjeç, Xhuljano Visha, 28 vjeç, si dhe Bujar Leza. Jemin Shera dyshohet se ka qenë personi kyç që ka bërë porosinë e vrasjes së 66-vjeçarit.

66 vjeçari Behar Sofia, i njohur si "padron droge", u ekzekutua mëngjesin 25 shkurtit afër Piramidës në Tiranë, ndërsa vrasësi u largua me biçikletë. Autori pasi e ka ndjekur disa metra pranë shtëpisë së tij, i ka dalë para 66 vjeçarit dhe e ka qëlluar. I veshur sportiv, me kapele, syze e maskë anti-COVID pasi ka bërë atentatin ai është larguar dhe ka kaluar në këmbë urën e Lanës. Më pas ai ka marrë një biçikletë pranë kullave dhe është larguar drejt Kodrave të Liqenit.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Neymar do të bëhet baba për herë të katërt (VIDEO)

Neymar do të bëhet baba për herë të katërt (VIDEO)

26 Dhjetor, 18:21