TIRANE- “Shqiptarët janë të përfshirë në vrasje dhe në tregtinë e kokainës”. Kështu shkruan për shqiptarët një gazetë holandeze. Sipas gazetës “De Telegraaf” grupet kriminale të organizuara nga shqiptarët i kanë përfituar paratë në mënyrë të paligjshme dhe kryesisht nga trafiku i kokainës.

“Grupet kriminale të organizuara nga shqiptarët kanë mundur të përfitojnë shuma të mëdha parash në mënyrë joligjore, kryesisht me trafik droge”, shkruan gazeta holandeze “De Telegraaf”. Gjithashtu, shkruhet se shqiptarët janë të përfshirë edhe në një sërë vrasjesh brutale të cilat janë ende të pazbardhura. Sipas kësaj gazete “karakteristikat që policia holandeze ka përcaktuar për mafian shqiptare janë: Shumë e dhunshme, shumë e lëvizshme dhe elastike, e cila arrin të përshtatet si kameleon me krimin”.