TIRANE- Autoriteti i Konkurrencës ka hapur procedurën hetimore për sektorin e blerjes së enmergjisë nga OSHEE për periudhën 9-mujore, Janar-Shtator 2014, të cilën duhet t'a përfundojë deri në fund të vitit.
Ky hetim bazohet në vendimin e muajit shtator 2014 të marrë nga Autoriteti i Konkurrencës dhe synon të evidentojë kufizimet e mundshme të konkurrencës nga sjellja e pjesëmarrësve në procedurat e prokurimit të energjisë elektrike për mbulimin e humbjeve nga OSHEE, të cilat mund të sjellin pengimin, kufizimin dhe shtrembërimin e konkurrencës në treg, sipas Ligjit "Për mbrojtjen e konkurrencës".
Komisioni i Konkurrencës së fundi zhvilloi një takim konsultues me Bordin Drejtues të ERE, ku kërkoi që ky ent të bëjë trasparente rregullat dhe procedurat e procedurat e blerjes së energjisë për mbulimin e humbjeve.
Në takim është rënë dakort që Autoriteti i Konkurrencës, ERE dhe OSHE të rrisin konkurrencës në tregun e blerjes së energjisë elektrike.
Rekomandimet e konkurrencës synojnë të nxisin pjesëmarrje në procedurat e blerjes së energjisë, të sigurojnë trajtim të barabartë dhe jodiskriminues për të gjithë pjesëmarrësit në procedurën e blerjes së energjisë, të garantojnë besim publik dhe transparencë në procedurat e blerjes së energjisë elektrike dhe kosto sa më të ulta.
Autoriteti i Konkurrencës ka rekomanduar rishikim të vendimit 30, datë 23.3.2001 të ERE-s "Për miratimin e rregullave dhe procedurave të blerjes nga KESh SH.A" duke kërkuar që pranimi, vleresimi dhe negocimi i ofertave të kryhet në prani të ofertuesve, si një mënyrë që rrit besueshmërinë e procesit dhe konkurrencën mes ofruesve, hap tregun dhe lejon të gjithë, edhe prodhuesit vendas të energjisë që të marrin pjesë në tenderat për energjinë elektrtike, që do të blejë OSHEE.
Komisioni i Autoritetit të Konkurrencës ka hapur procedurën hetimore pas një ankese mbi ofertat e paraqitura nga disa operatorë.
Blerja e energjisë nga OSHEE-së për mbulimin e humbjeve kryhet sipas Modelit të Tregut të energjisë elektrike, miratuar me VKM, nr.338, datë 18.3.2004, ku OSSHEE ka të drejtë të prokurojë energjinë nga operatorët e licensuar./ATSH/