POP 5

Lajmet më të lexuara të 5 minutave të fundit

Ekonomi

Autoriteti i Konkurrencës: TIA-s
t'i hiqet monopoli i fluturimeve

Autoriteti i Konkurrencës bën të ditur se, ekskluziviteti dhe tarifat shumë të larta që aplikon aeroporti i Rinasit - “Tirana International Airport” dëmtojnë konkurrencën në tregun e fluturimeve.
Autoriteti i Konkurrencës: TIA-s<br />t'i hiqet monopoli i fluturimeve
TIRANE - Autoriteti i Konkurrencës kërkon heqjen e ekskluzivitetit të fluturimeve ndërkombëtare për aeroportin e Rinasit dhe uljen e tarifave të shërbimit që ofron ky aeroport.
 
Në një njoftim për shtyp Autoriteti i Konkurrencës bën të ditur se, ekskluziviteti dhe tarifat shumë të larta që aplikon operatori “Tirana International Airport” dëmtojnë konkurrencën në tregun e fluturimeve.

Aeroporti “Nënë Tereza” në Rinas është aeroporti i kryeqytetit dhe njëkohësisht i vetmi aeroport ndërkombëtar i Shqipërisë për fluturime civile.

Nga Rinasi fluturojnë disa avionë të shoqërive të fluturimit drejt destinacioneve të Evropës dhe prej pikave të tranzitit për në disa qytete të tjera jo evropiane.

Në vitin 2014 Autoriteti i Konkurrencës pritet të nxjerrë vendime të rëndësishme, mbështetur në hetimet që po kryhen në tregje me interes të lartë konsumator, si i karburanteve dhe i telefonisë së lëvizshme.
 
Ndërkohë që Autoriteti këmbëngul për rregullimin e tregut të energjisë elektrike, duke bërë që kompanitë KESH dhe “Cez Shpërndarje” të kenë llogari të ndara nga furnizuesit publikë me shumicë dhe me pakicë. Mbrojtja e konkurrencës së lirë dhe efektive është një nga kushtet kryesore për të pasur një ekonomi tregu funksionale.
 
Autoriteti i Konkurrencës gjatë punës së tij ka ndaluar dhe parandaluar në disa raste marrëveshjet e ndaluara në tregun e prodhimit të bukës, të cilat në disa raste kishin çuar në një rritje të çmimit me rreth 40%.

Ndërsa ka hetuar e gjobitur gjithashtu ndërmarrjet e transportit rrugor qytetës në Tiranë, të cilat me marrëveshje ndërmjet tyre kishin vendosur që të kufizonin me 80% numrin e Aboneve të Studentit, duke detyruar këta të fundit që të blenin abone të zakonshme apo të paguanin biletat, duke i rritur kostot për këtë shërbim të paktën dy herë më shumë, si dhe ka hetur tregun e vajit të ullirit, të karburanteve, etj.

Redaksia online
(sg/mag/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04