POP 5

Lajmet më të lexuara të 5 minutave të fundit

Ekonomi

Autostrada Tiranë-Durrës me pagesë? ARRSH e mohon: Nuk do të ketë tarifë për përdoruesit, po zgjerohet me paratë e buxhetit të shtetit

Një dokument i Autoritetit Rrugor Shqiptar për investimet në urat e vendit thotë se autostrada Tiranë-Durrës do të behet me pagesë, por një gjë e tillë mohohet nga ARRSH, e cila sqaron për Report TV se zgjerimi i rrugës do bëhet me fonde të buxhetit të shtetit dhe nuk do të ketë tarifë për përdoruesit. Kostoja totale e zgjerimit të autostradës prej 31 kilometra sipas ARRSH-së do të jetë 170 milionë euro.

Autostrada Tiranë-Durrës nuk do të bëhet me pagesë pas zgjerimit të saj me katër korsi, për të cilën punimet pritet të nisin këtë vit. Autoriteti Rrugor Shqiptar sqaron për Report TV se kjo autostradë financohet me fondet e buxhetit dhe nuk do ketë tarifë për kalimin nga qytetarët.

Ndërsa referuar dokumentit për urat, ku flitet edhe për investimin e Urës së Beshirit, që është përgjatë aksit Ndroq-Plepa, parashikohet tarifë për këtë aks, ARRSH, thotë se ai draft lidhet me opsionet e marra në shqyrtim nga studimi i fizibilitetit të urës për 50 vitet e ardhshme. Kështu që me këtë zgjerim që do të bëhet nuk do të aplikohet pagesa.

Punimet për zgjerimin e autostradës do nisin në mars të këtij viti me lotin e parë që përfshin 5.8 kilometra nga kthesa e Kamzës deri tek Nyja Kasharit që pritet të kushtojnë 20 milionë euro dhe përfundon në vitin 2026. Ndërsa kostoja totale e zgjerimit të autostradës prej 31 kilometra sipas ARRSH-së do të jetë 170 milionë euro.

Pas zgjerimit autostrada do të ketë gjerësi 35.1 metra 18.6 metra që është aktualisht, dhe shpejtësia e lejuar parashikohet deri në 140 km në orë.

Kjo nuk është hera e parë që kjo rrugë përflitet se do të bëhet me pagesë, pasi në vitin 2018, qeveria mori një propozim të pa-kërkuar për ta marrë me koncesion këtë autostradë për ta zgjeruar dhe më pas do të bëhej me pagesë.

Më pas Ministria e Transportit u tërhoq nuk pranoi këtë propozim, dhe njoftoi se në vjeshtën e vitit 2019 do të hapej gara për ta dhënë me koncesion, dhe se pagesa do të zbatohej vetëm pasi të kishte përfunduar edhe rruga nga Ndroqi.

Por pas shumë debatesh u vendos që ky aks me ndikim të madh ekonomik dhe me trafik të lartë automjetesh do të zgjerohet dhe rehabilitohet me fondet e buxhetit të shtetit.

(Kliko këtu për të lexuar dokumentin e plotë)

SI.E./S.A/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

New York Times: Votoni kundër Trump, ai është një rrezik për demokracinë

New York Times: Votoni kundër Trump, ai është një rrezik për demokracinë

2 Nëntor, 20:15