Një avion në Moskë është përfshirë nga flakët, ndërsa të paktën 13 pasagjerë kanë vdekur.

Pamjet e avionit që bëri ulje të detyruar i përfshirë nga flakët kanë bërë xhiron e medieve ndërkombëtare, ndërsa raportohet se janë edhe disa persona të plagosur.

Dyshohet se avioni u përfshi nga flakët, pasi u godit nga një rrufe. Mediet ruse thonë se avioni i tipit Sukhoi SSJ-100 ishte nisur për në qytetin Murmansk, por u detyrua të kthehet kur shpërthyen flakët. 

Në avion ndodheshin 78 pasagjerë. Një pjesë arritën që të dilnin me shpejtësi, ndërsa të tjerët nuk arritën duke humbur jetën mes flakëve.